100-den asa sportshy jınaldy.
Elordada stend atýdan Qazaqstan Kýbogynyń úshinshi kezeńi máresine jetti. Baıraqty básekede surmergender sporttyń skıt jáne sportıng túrleri boıynsha synǵa túsken bolatyn. Oǵan bas-aıaǵy 100-den asa sportshy jınalyp, ózara myqtylardy anyqtady, dep habarlaıdy Almaty-akshamy.kz Egemen.kz saıtyna silteme jasap.
«Jarys barysynda qyz-jigitterdiń babyn baıqadyq. Olardyń izin basyp kele jatqan jas sportshylar da nazarda boldy. Jalpy alǵanda, otandyq stend atýdyń deńgeıi ósken. Endi eń úzdik nátıje kórsetkenderdi barynsha qoldap, álemdik jarystarǵa jol ashý maqsaty tur. Óıtkeni bul olımpıadalyq baǵyt sanalady.
Sondyqtan onyń damýyna jan-jaqty úles qosý kerekpiz», - deıdi «Nur-Sultan «Olımpıadalyq daıarlaý ortalyǵy» RMQK dırektory Andreı Mogılevskıı.
Nátıjesinde, erler arasynda Edýard Eshenko, Andreı Frolov jáne Davıd Pochıvalov sıaqty sportshylar júldeger atandy.
Áıelder arasynda Zoıa Kravchenko aldyna jan salmady. Al sportıng túrinde elordalyq Qýanysh Kúshekbaev jeńimpaz atandy.
Sonymen qatar stend atýdyń komandalyq jáne aralas baǵyttary boıynsha da medaldar jıyntyǵy sarapqa salyndy. Jarysta jasóspirimder de baq synap, sheberligin shyńdaýǵa múmkindik aldy. Endi osy surmergender qarashada taǵy bas qosyp, Qazaqstan kýbogynyń sheshýshi, ıaǵnı tórtinshi kezeńine joldama aldy.
Atalǵan jarystyń qorytyndysy boıynsha ulttyq qurama jasaqtalyp, Horvatıada ótetin lısenzıalyq álem chempıonatyna attanady.