Saltanatty rásim Almaty qalasy PD-nyń murajaıynda ótti.
Almatynyń jas polıseıleri ofıserlik pogondaryn aldy, dep habarlaıdy Almaty-akshamy.kz Polisia.kz-ke silteme jasap.
30-ǵa jýyq jas qyzmetker leıtenant pogondaryn aldy.
«Búgin sizderdiń ómirlerińizdegi eń bir eleýli, ómir boıy esterińizde qalatyn shaq dep oılaımyn. Birinshi ofıserlik ataqtaryńyzdy alyp otyrsyzdar, osy qatarda turǵan, menen bastap, árbir áriptesterimiz osylaı qyzmetti bastaǵanbyz. Osy qalanyń tynyshtyǵyn saqtap, azamattardyń oıynan, kóńilinen shyǵyp, senimin aqtaıtyn sizder bolasyzdar dep oılaımyn. Osy qalanyń tynyshtyǵyna, aǵaıyn, týǵan-týystyń amandyǵyna, bizdiń bedelimizdi asyrýǵa barlyqtaryńyzdyń atsalysatyndaryńyzǵa senimim mol. Munaý mýzeıdiń ishinde qandaı keremet tarıhı qujattar bar, sýretter bar, sol kisilerdiń ornyn basatyn sizder bolasyzdar, tarıhta qalyńyzdar. Barlyqtaryńyzdy búgingi shenderińizben quttyqtaımyn. Eńbekterińizge tabys, otbasylaryńyzǵa amandyq, saýlyq tileımin», – dedi Almaty qalalyq polısıa departamentiniń bastyǵy Arystanǵanı Zapparov.