Surmergender saıysy. Elordada stend atýdan Qazaqstan kýboginiń úshinshi kezeńi bastaldy.
Baıraqty báseke 4 kezeńnen turady. Bul joly elimizdiń túkpir-túkpirinen 100-den asa sportshy jınaldy. Olardyń arasynda qurlyqtyq jáne álemdik dodalarda top jaryp júrgenderi de bar, dep habarlaıdy Almaty-akshamy.kz 24.kz-ke silteme jasap.
Jarysqa qatysýshylar stend atýdyń skıt jáne sportıng túrleri boıynsha ózara myqtyny anyqtaıdy. Jarystyń jalpy qorytyndysy 29 tamyzda belgili bolady. Keıin el úzdikteri qarasha aıynda taǵy da bas qosyp, Qazaqstan kýbogynyń sheshýshi, ıaǵnı, tórtinshi kezeńinde baǵyn synaıdy. Osy jarystar qorytyndysy boıynsha ulttyq qurama jasaqtalyp, Horvatıada ótetin lısenzıalyq álem chempıonatyna qatysaty. Elordadaǵy atý alańynda Qazaqstan kýbogimen paralel Nur-Sultan qalasynyń ashyq chempıonaty da uıymdastyrylyp jatyr.
«Bir qýanarlyǵy – elordadaǵy atý alańy qaıta jandanyp, aıtýly alamandardy qabyldaı bastady. Óıtkeni EKSPO kórmesinen keıin 4 jyldaı turalap qalyp edi. Qazir mundaǵy jaǵdaı jaqsy. Sportshylarǵa óte qolaıly. Biz osy básekeler nátıjesinde el úzdikterin iriktep, birlesken jattyǵý jıyndaryn ótkizemiz. Odan keıin dál osy sportshylar halyqaralyq jarystarda el namysyn qorǵaıdy», - deıdi Qazaqstan sporttyq atý federasıasynyń bas hatshysy Oleg Pochıvalov.