Biz bıznes pen azamattarymyzǵa avtokólikti jańartýǵa da, ekologıany jaqsartýǵa da kómektesemiz - Roman Sklár.
QR Premer-Mınıstriniń birinshi orynbasary Roman Sklár jeńildetilgen avtonesıe baǵdarlamasy týraly aıtyp berdi, dep habarlaıdy QazAqparat tilshisi.
«Biz mólsherlemeni 50%-ǵa tómendettik, ÓKM (óndirýshilerdiń keńeıtilgen mindettemeleri) qarajaty túsip turady. Bul aqsha ekologıalyq is-sharalarǵa da, osyndaı baǵdarlamalarǵa da jumsalady. Men qazir aıtqan baǵdarlamalar ekologıany jaqsartady. Biz bıznes pen azamattarymyzǵa avtokólikti jańartýǵa da, ekologıany jaqsartýǵa da kómektesemiz», - dedi Roman Sklár Úkimet kýlýarynda tilshilerge bergen suhbatynda.
Vıse-premer jeńildikpen avtonesıelendirýdi qosymsha qarjylandyrý múmkindigi bolsa, mindetti túrde paıdalanatynyn aıtty.
«Baǵdarlama halyq arasynda óte tanymal. Jeńildetilgen avtonesıeleýge 100 mlrd teńge bólingen, baǵdarlamany 12 myńnan astam turǵyn paıdalandy», - dedi Roman Sklár.
Eske sala keteıik, avtokólikterdi jeńildetilgen nesıemen berý baǵdarlamasyna taǵy 10 mlrd teńge bólindi. Indýstrıa jáne ınfraqurylymdyq damý mınıstrligine qarasty Ónerkásipti damytý qorynyń dereginshe, 4 paıyzben beriletin avtonesıe baǵdarlamasyna qatysýshy «Eýrazıalyq bankke» - 35 mlrd, «Bank Sentr Kredıtke» - 27,5 mlrd, «Halyq bankke» - 22,5 mlrd jáne «Forte Bank»-ke 15 mlrd teńge bólingen.