Kýveıt astanasy El-Kýveıt qalasynda stend atýdan Azıa Kýbogy aıaqtaldy.
Oǵan 28 sportshymyz attanyp, 18 medal jeńip aldy. Onyń 7-eýi altyn, dep habarlaıdy Almaty-akshamy.kz 24.kz-ke silteme jasap.
Jarystyń sońǵy kúnderi stend atýdyń trap baǵytyndaǵy medal jıyntyǵy sarapqa salyndy. Ásirese, aralas juptyq synda qazaqstandyq Álisher Aısalbaev pen Aıjan Dosmaǵambetova eń úzdik nátıje tirkep, jarys jeńimpazy atandy. Keıin dál osy Álisher qos qolany enshiledi. Iaǵnı, erler arasyndaǵy jekeleı synda jáne ereler arasyndaǵy komandalyq synda sátti óner kórsetti. Komandalyq synda Álisherden bólek, el namysyn Artem Chıkýlaev pen Aleksandr Fedorov qorǵady. Buǵan qosa, aralas juptyq synda qazaqstandyq Vıktor Hasánov men Marıa Dmıtrıenko da úzdik úshtikti túıindedi. Jasóspirimder arasynda Danııl Pochıvalov altyn, Bogdan Konchenko kúmis jeńip aldy. Aıta keteıik, jarystyń alǵashqy kúnderi skıt baǵytyndaǵy básekeler boldy jáne ulttyq qurama 13 medal enshiledi.
Osylaısha qazaqstandyq surmergender kezekti ret qurlyqtyq deńgeıde úzdikter qatarynda ekenin dáleldep otyr.