Búgingi kúni elimizde ınternet pen baılanystyń sapasy syn kótermeıtini týraly aıtylyp júr. Bul jaǵdaı Medeý aýdany turǵyndarynda beı-jaı qaldyrmady. Almaty ákimi Erbolat Dosaevtyń Medeý aýdany turǵyndarymen ótken kezdesýinde máseleniń qalaı sheshimin tabýy múmkin ekendigi týraly suraq qoıyldy,-dep habarlaıdy Almaty-akshamy.kz
«Men Medeý aýdany Alataý yqshamaýdanynda turamyn, úıdegi ınternette úlken problemalar bar. Shaǵyn aýdan keńeıip jatyr, biraq turaqty ınternet qashan beriledi?»,-dep surady turǵyn.
Almaty qalalyq sıfrlandyrý basqarmasynyń basshysy Baıan Qońyrbaevtyń málimeti boıynsha Medeý aýdanynda mobıldi ınternet jumys isteıdi. Biraq radıofobıa máselesi bar, jaqynda stansıa ornalasqan jerden joıylǵan. Turaqty talshyqty-optıkalyq baılanys jelisine qatysty bul máseleni jyl sońyna deıin jabýdy josparlanǵan. Núktede kem degende eki operator paıda bolmaq.
«Bekitilgen ınternet týraly alańdaýdyń qajeti joq, jeliler jyl sońyna deıin tartylady. Jańa jobany qolǵa alyp jatyrmyz, qalada jeke dińgek qurylymdaryn ornatýdy josparlap otyrmyz.
Kelesi aptada qalanyń barlyq uıaly baılanys operatorlarymen kezdesý ótedi. Usynys jasaldy, tehnıkalyq jaǵynan daıynbyz. Kelissek, birinshi baılanysy nashar aımaqtarda jumys júrgizý qolǵa alynatyn bolady»,-dedi Almaty qalasynyń ákimi Erbolat Dosaev.