Qazaqstan ulttyq quramasynyń bas bapkeri Stanıslav Cherchesov baspasóz konferensıasynda qazaqstandyq jýrnalıske baǵyttaǵan áziline qatysty pikir bildirdi. Bul týraly ol «Sport-ekspress» basylymyna bergen suhbatynda aıtty.
«Árdaıym kópshilik aldynda sóılegende, sózimniń maǵynasyn tolyq túsinemin. Eger meniń ázilim durys qabyldanbasa, demek, qatelik mende», — dedi Cherchesov.
Buǵan deıin ınternette ulttyq quramanyń bapkeri Stanıslav Cherchesovtyń kazah tiline qatysty renish týǵyzatyn pikir bildirgeni jaıly vıdeo taraǵan edi. Bul jaǵdaı qoǵamda úlken daý týdyryp, Qazaqstannyń Mádenıet jáne sport mınıstrligi Federasıadan túsinikteme talap etti.
Qazaqstan fýtbol federasıasy bas bapkermen áńgime júrgizilip, oǵan 200 AEK kóleminde (738 400 teńge) aıyppul salynǵanyn málimdedi.