300 jyldyq tarıhy bar bazar.
Kóptegen týrıser úshin Túrkıa - taptyrmas shopıng álemi. Ásirese, túriktiń tarıhı bazarlary eń qyzyqty, ári erekshe zattardy satyp alatyn jerler bolyp tabylady.
Stambuldaǵy Arasta bazary - tarıhı saýda oryndardyń biri, kóshedegi ý-shýdan sharshasańyz, osynda kelip demalyp erekshe zattardy satyp alýǵa bolady.
Arasta bazary - Stambýldaǵy eń kóne bazarlardyń biri. Saýda orny XVII ǵasyrda paıda bolǵan. Arheologtar tapqan mozaıka bólikteri áli kúnge deıin aıaq astynda jaltyrap jatyr.
Sultanahmet meshitiniń alańyna jaqyn mańda ornalasqan Arasta bazarynyń taǵy bir ataýy – Atty áskerler bazary. Osman ımperıasy kezinde atty áskerlerge qajetti zattardy satqan bazar búginde jershilikti jáne sheteldik týrıser jaqsy kóretin tarıhı mekenge aınalǵan. Shaǵyn bazardyń ishinde túrli kádesyılar, kilem, Iznık qalasynda óndirilgen keramıkalyq zattar, oramal, tósekoryn jabdyqtary, kıim-keshek, basqa da tekstıl ónimderi, túriktiń ulttyq táttileri men dámdeýishteri satylatyn 70-ten astam dúken jumys istep tur.
Osydan 100 jyldaı ýaqyt buryn (1912 jyly) shyqqan alapat órtten bazar aıtarlyqtaı zardap shegip, kóp bóligi kúlge aınalady. Alaıda jergilikti bılik qalpyna keltirý jumystary arqyly bazardy paıdalanýǵa berdi. 1930 jyldary uıymdastyrylǵan qazba jumystarynyń nátıjesinde, bazardyń vızantıalyqtar dáýirinen qalǵan ǵtmarttardyń ústine salynǵany anyqtaldy.
Eger Stambulǵa barsańyz, mindetti túrde Arasta bazaryn tizimińizge qosyp qoıyńyz. Tarıhı mańyzy bar mekenniń erekshe aýrasyn sezinip, dos-týystaryńyzǵa estelikke kádesyı satyp alyp, Túrkıadaǵy saparyńyzdy umytylmastaı etedi.