Tyńaıtqyshtardy satyp alýdy sýbsıdıalaý aıasynda fermerlerge 7,5 mlrd teńge tólendi.
Qazaqstandyq fermerler búgingi kúnge deıin tyńaıtqyshtardy sýbsıdıalaýǵa 13 251 ótinim berdi, dep habarlaıdy Almaty-akshamy.kz.
ASHM baspasóz qyzmetiniń málimetinshe, óńirlerdiń aýyl sharýashylyǵy basqarmalarynda 9027 ótinim bar, 2040 ótinish qabyldanbady, al 7,5 mlrd teńge somasyna 2184 ótinim maquldandy jáne tıisti soma tólendi.
Aıta keteıik, buǵan deıin gosagro.kz portalynda ótinimderdiń úshten biri qabyldanbady. Memlekettik qoldaýdan bas tartýdyń negizgi sebebi bekitilgen sýbsıdıalaý qaǵıdalaryna sáıkes 2023 jylǵy 1 qańtarda kúshine engen agrohımıalyq kartogramlardyń bolmaýy, sondaı-aq alqaptardy sıfrlandyrýdaǵy qıyndyqtar boldy. Soltústik aımaqtarmen salystyrǵanda, ońtústikte shaǵyn egistikteri bar fermerler basym.
Bul máseleni sheshý úshin Aýyl sharýashylyǵy mınıstrligi 2023 jylǵy 25 sáýirde joǵaryda atalǵan qaǵıdalarǵa agrohımıalyq kartogramlardy paıdalaný jónindegi talapty alyp tastaý boıynsha túzetýlerdi bekitti, sondaı-aq 2023 jylǵy 31 jeltoqsanǵa deıin «Qazaqstan Ǵarysh Sapary «UK» AQ arqyly egistikterdi sıfrlandyrýdy keıinge qaldyrýdy engizildi.
Belgilengen merzimge deıin fermerler osy egistikterdi quqyq belgileıtin qujattarǵa sáıkes mindetti túrde túzetýi qajet ekenin atap ótken jón. Tıisti kesteni ASHM «Qazaqstan Ǵarysh Sapary «UK» AQ-men birlesip daıyndap jatyr.
Sondaı-aq, sýbsıdıalardy alýǵa oblys ákimdikteriniń tyńaıtqyshtardy sýbsıdıalaý tizbeleri men normalary týraly tıisti qaýlylarynyń bolmaýy kedergi boldy. Jergilikti atqarýshy organdar normatıvterdi tek naýryz aıynan bastap, mamyrǵa deıin bekite bastady. Atap aıtqanda, Atyraý oblysynda qaýly osy kúnge deıin qabyldanǵan joq. Óńirlik ákimdiktiń aqparaty boıynsha qujat jaqyn arada bekitiletin bolady.
Jalpy, tyńaıtqyshtardy sýbsıdıalaýǵa ótinimderdi berý gosagro.kz portaly arqyly tolyq avtomattandyrylǵan, derekterdi «qolmen» engizýge jol bermeıdi. Bul memlekettik qoldaý alý kezinde adamı faktordy boldyrmaıdy, ıaǵnı búdjet qarajatyn tıimdi jáne utymdy paıdalanýǵa múmkindik beredi.