Stambuldyń tarıhı ortalyǵy Lalelı shaǵyn aýdanynda qazaq dámhanasy ashyldy.
Baýyrsaq pen qazy, qymyz ben qýyrdaq usynatyn meıramhananyń ashylýyna jergilikti qandastarymyz ben Stambulda júrgen otandastarymyz jınaldy.
Aqsaqaldar bata berip, jastar án aıtyp, kishigirim merekege aınaldy, dep habarlaıdy Almaty-akshamy.kz. qazaqstan.tv-ge silteme jasap.
Atamekennen alysta júrip, ulttyq dámdi ańsaǵan qazaqtar bul jerde sháı iship qana qoımaı bas qosyp áńgime-dúken qurady.
"Stambuldyń dál ortasynda osyndaı qazaq dámhanasynyń ashylýy biz úshin de qýanyshty jaǵdaı. Et jep sútti sháı ishý úshin ózimiz de, dostarymyz da bul jerge endi jıi kelip turatyn bolamyz. Qazaq dámin ańsaǵan adamdar úshin óte jaqsy boldy. Jumystaryna bereke tileımin!",-deıdi Stambul qalasynyń turǵyny Rashıda Iýksel.