Ońtústik Koreıa otandastarymyzǵa resmı túrde jumysqa ornalasýǵa ruqsat berýi múmkin.
Qazir Qazaqstandy "eńbekke ruqsat berý júıesine" engizý máselesi pysyqtalyp jatyr. Shetel asyp, jumys istegisi keletin azamattar aldymen til men zań úırenedi. Kóshi-qon komıtetiniń tóraǵasy Asqarbek Ertaevtyń málimeti boıynsha tirkeýdiń birinshi kezeńi aıaqtaldy, dep habarlaıdy Almaty-akshamy.kz 24.kz-ke silteme jasap.
Aıta keteıik, Qazaqstan buǵan deıin Túrkıa, Birikken Arab Ámirlikteri, Ulybrıtanıa, Germanıa, Izraıl jáne Qatar memleketimen kelisimge kelgen. Asqarbek Ertaev, QR Eńbek jáne halyqty áleýmettik qorǵaý mınıstrligi kóshi-qon komıtetiniń tóraǵasy: - migration.enbek.kz saıtyna tirkele otyryp, osy júıe arqyly jumysqa ornalasýǵa bolady. Ony eńbek utqyrlyǵy ortalyqtary júzege asyrady. Shetelde jumys istegisi kelgen adam, aldymen til úıerenedi, medısınalyq tekserýden ótedi jáne qujattaryn resimdeıdi. Búgingi tańda shetelde 200 myńǵa jýyq qazaqstandyq eńbek etip júr. Olardyń basym bóligi Reseıdi tańdaǵan. Munda 162 myń otandasymyz jumys isteıdi. Al Polshada - 13 myń, Ulybrıtanıada – 5 myń qazaqstandyq bar.