Jyl basynan beri 125 jaǵdaı tirkelgen
Soltústik Qazaqstan oblysynda ishek ınfeksıasy kóbeıdi. Jyl basynan beri 125 jaǵdaı tirkeldi. Onyń jartysynan kóbi 14 jasqa deıingi balalar arasynda. Mamandardyń aıtýynsha, kórsetkish budan da kóp bolýy múmkin. Sebebi ata-analardyń barlyǵy dáriger kómegine júgine bermeıdi, dep habarlaıdy Almaty-akshamy.kz Azattyq Ruhy-na silteme jasap.
2022 jyldyń 5 aıynda Soltústik Qazaqstan oblysynda jiti ishek ınfeksıalarynyń 125 jaǵdaıy tirkeldi. Olardyń jartysy 14 jasqa deıingi balalar arasynda tirkelgen. Degenmen ótken jyldyń sáıkes kezeńimen salystyrǵanda aýrýshańdyqtyń 21%-ǵa tómendegeni baıqalady.
«Jaz – bul demalys ýaqyty ǵana emes, sonymen qatar kóptegen qozdyrǵyshtardyń kóbeıýi úshin qolaıly maýsym. Eresekter men balalar qoldyń negizgi gıgıenasyn umytyp, jemister men kókónisterdi muqıat jýýdy elemeıdi. Tabıǵatta demalý kezinde ónimderdi kóbinese uzaq ýaqyt jyly jerde qaldyrady, bul óz kezeginde qozdyrǵyshtardyń kóbeıýine yqpal etip ishek ınfeksıalarynyń damýyna ákelýi múmkin. Jiti ishek ınfeksıasy – bul patogendik bakterıalar, vırýstar týdyratyn ınfeksıalyq aýrýlarynyń úlken toby. Jiti ishek ınfeksıasy búginde juqpaly patologıada tumaý men jedel respıratorlyq ınfeksıalardan keıingi orynda», - deıdi SQO Sanıtarıalyq-epıdemıologıalyq baqylaý departamentiniń bas mamany Aınash Saǵyndyqova.
Jiti ishek ınfeksıalarynyń aldan alýǵa bolady. Ol úshin mamandar tazalyq saqtaýǵa keńes beredi.
«Balalardyń jiti ishek ınfeksıalarynyń aldyn alý úshin jeke gıgıena erejelerin qatań saqtaý kerek. Qoldy sabynmen jıi jáne muqıat jýý kerek. Ásirese tamaqtanar aldynda jáne dárethanaǵa barǵannan keıin. Qaınatylǵan, bótelkedegi nemese kepildendirilgen sapaly sýdy paıdalaný shart. Kókónisterdi, jemisterdi, jıdekterdi tutynar aldynda muqıat jýýǵa keńes beremin», - deıdi Aınash Saǵyndyqova.