Keneniń jappaı qaptaýyna aýa raıynyń kúrt jylynýy sebep bolǵan
Óńirde naýryz aıynan bastap turǵyndardy kene shaǵa bastaǵan, dep habarlaıdy Almaty-akshamy.kz «Habar 24» telarnasyna silteme jasap.
Kene shaqqan 260 adamnyń 82-si on tórt jasqa deıingi balalar. Ótken jyldyń osy kezeńimen salystyrǵanda bul 1,8 ese kóp. Mundaı aqparatty oblystyq sanıtarlyq–epıdemıologıalyq baqylaý departamentiniń mamandary habarlap otyr.
Keneniń jappaı qaptaýyna aýa raıynyń kúrt jylynýy sebep bolǵan. Sondyqtan, ásirese, tabıǵat aıasyna demalýǵa shyǵatyndarǵa epıdemıolog dárigerler saq bolý kerektigin eskertedi. Sebebi bul qansorǵyshtar túrli juqpaly aýrýlardy tasymaldaýy múmkin. Jalpy ótken jyly óńirde kene ensefalıti aýrýynyń 9 jaǵdaıy tirkelip, bir adam qaıtys bolǵan edi.
«Sońǵy aptada kene shaǵýdyń 86 jaǵdaıy tirkelip otyr. Qazirgi kezde kún jylydy. Soǵan baılanysty keneler kóbeıdi. Adamdar kóptep ormanǵa shyǵa bastady. Sondyqtan qazirgi kezde saqtyq sharalaryn adamdarǵa ustanýǵa keńes beremiz»,-deıdi oblystyq Sanıtarlyq-epıdemıologıalyq baqylaý departamentiniń bas mamany Aınash Saǵandyqova.