Soltústik Qazaqstan oblysynda 13 aýyl ishimdikten túbegeıli bas tartqan, - dep habarlaıdy aqshamnews.kz "Habar" arnasyna silteme jasap.
İshimdikten bas tartqan aýyldardyń biri – Qazaqstan men Reseı shekarasyndaǵy Sýlyshoq aýyly. Munda 50-ge jýyq úı tútin tútetip otyr. Qaımaǵy buzylmaǵan el úlkenderdiń ósıetin qashanda qup alǵan.
"Araq-sharap satpaıtyn aýyl bolaıyq dep, baısaldy aýyl bolaıyq dep jáne de toılarda araq-sharap bolmasyn dep, jastarǵa erteń úlgi bolsyn dep osyndaı sheshim qabyldadyq. Igi bastamalar bizdiń aldymyzda oblys boıynsha júrip jatyr ǵoı. Solardy biz qoldap, qarıalar bárimiz aqyldasyp, baısaldy aýyl bolaıyq dedik", – dedi Sýlyshoq aýylynyń turǵyny Toqtamys Janbútenov.
Sýlyshoq aýylynda araq-sharap satylmaıdy. Toı-jıyndar da ishimdiksiz ótedi. Bul quqyq buzýshylyqtardyń aldyn alýǵa múmkindik berdi, deıdi turǵyndar. Eldi mekende sońǵy jyldary urlyq-qarlyq sekildi qylmystar tyıylǵan.
"Jastarymyz qazir alkogóldik ishimdikterdi qoldanbaıdy. Jáne olar kóbinese óziniń qazirgi qazaqı turǵyda, ózi qazaqy aýylda turǵandyqtan, ózderiniń qazaqylyqtaryn joǵary deńgeıde saqtaıdy. Bizdiń okrýgtiń ózi ýchaskelik polısıa bólimimen tyǵyz baılanysta jumys isteımiz", – dedi Óspen aýyldyq okrýginiń ákimi Saragúl Beısenbaeva.