Petropavlda bír top oqushy qatarlas qyzdy júıelí túrde ūryp-soǵyp, aqsha bopsalaǵan, - dep habarlaıdy aqshamnews.kz Todayinfo-ǵa sílteme jasap.
Oqıǵanyń vıdeosy jelíge tarady. Kadrlardan alty qyzdyń qatarlasyn ūryp-soǵyp jatqanyn kóruge bolady. Árqaısysy kezek-kezek jábírdenushíníń basynan ūryp, ketíp qalady. Jasóspírím soqqylarǵa qarsylyq kórsetpeıdí. Olar qyzdy ūryp-soqqan soń aqsha sūraıdy. Qyzdar qatarlasynan fızıkalyq zorlyq nemese "qolma-qol aqsha" berudí tańdaudy ūsynady.
Soqqyǵa jyǵylǵan qyz būǵan deıín olardyń bíríne qarsy aryz jazbaq bolǵan. Osydan keıín būzaqy qyzdar ony osylaı jazalamaq bolǵan.
"Qaıtarmasań, kassaǵa qoyamyz. Tuǵan kúníń toǵyzyna. Báríbír aqsha alasyń. Onynshy kúní qaıtarmasań, toppen kelíp ūryp óltíríp, esepke qoyamyz", – deıdí oqushy qyzdar.
Jasóspírímder mūnyń bárín ūyaly telefonǵa túsíríp alǵan. Málímetke sáıkes, oqıǵa ótken jyldyń tamyz aıynyń sońynda bolǵan. Bíraq būl ís keıínírek qoǵam nazaryna ílíktí.
Soltústík Qazaqstan oblystyq polıtsıya departamentíníń málímetínshe, Petropavl polıtseılerí 14 jastaǵy qala tūrǵynyna qatysty qorqytu deregí boıynsha jan-jaqty tekseru júrgízíp jatyr.
"Júrgízílgen jedel-ízdestíru ís-sharalarynyń nátıjesínde bír top qyzdyń júıelí psıhologıyalyq jáne fızıkalyq qysym kórsetkení anyqtaldy. Onyń íshínde vıdeoǵa jazylǵan aqparat rastaldy. 2024 jylǵy 31 tamyzda bolǵan oqıǵaǵa qatysy bar alty kámeletke tolmaǵan balanyń jeke basy anyqtaldy. Ekí kámeletke tolmaǵan jáne tórt zańdy ókílge qatysty ákímshílík materıaldar jınaldy. Bopsalau deregí boıynsha qosymsha sotaldy tergeu bastaldy. Barlyq protsestík áreket zań ayasynda jáne qadaǵalau organynyń qadaǵalauymen júzege asyrylady", – delíngen habarlamada.