2021 jyly 12 shildede QR DSM Medısınalyq jáne farmasevtıkalyq baqylaý komıteti reseılik «Spýtnık Laıt» vaksınasyna ýaqytsha tirkeý kýáligin berdi.
Búgin osy Qazaqstanda ýaqytsha tirkelgen «Spýtnık Laıt» vaksınasy týraly Densaýlyq saqtaý mınıstrligi sanıtarlyq-epıdemıologıalyq baqylaý komıtetiniń tóraǵasy Aıjan Esmaǵambetova aıtyp berdi, dep habarlaıdy Almaty-akshamy.kz
«Spýtnık Laıt» - «Spýtnık V» sıaqty vaksına, biraq tek birinshi dozasy. «Spýtnık laıttyń» sıpattamasy qandaı? Ol 80% tıimdilik kórsetti jáne ekpeden keıingi ımýnıtettiń uzaqtyǵy 6 aıǵa deıin ǵana saqtalady. Qazir «Spýtnık Laıtty» halyqtyń tańdaýyna qaraı qoldaný josparlanǵan. Kim eki vaksına alǵysy kelmeıdi jáne onyń qysqa ımýnıtetine kelisedi, sol azamattarǵa «Spýtnık Laıt» egiledi», - dedi A. Esmaǵambetova Ortalyq komýnıkasıalar qyzmetinde ótken brıfıńte.
Spıkerdiń aıtýynsha «Spýtnık Laıt» qajettilik týyndaǵan jaǵdaıda qaıta vaksınalaýǵa da paıdalanylýy múmkin.
«Ázirge biz revaksınasıa máselesin kótermedik, DDSU da revaksınasıa qajettiligi týraly aıtpady. Biraq aldaǵy ýaqytta qandaı da bir jańa derekter, revaksınasıa júrgizý qajettigi týraly zertteý nátıjeleri paıda bolsa, «Spýtnık Laıt» revaksınasıa úshin de paıdalanylýy múmkin», - deıdi A. Esmaǵambetova.