Tamyz aıynyń úshinshi jeksenbisinde Qazaqstanda sport kúni atap ótiledi.
Kásibı mereke qarsańynda Mádenıet jáne sport mınıstri Dáýren Abaev sport salasy qyzmetkerlerin marapattap, olardyń salaýatty ómir saltyn damytýǵa jáne nasıhattaýǵa qosqan zor úlesin atap ótti, dep habarlaıdy Almaty-akshamy.kz Elorda.imfo saıtyna silteme jasap.
«Bizdiń elimizde sport ártúrli jastaǵy, ult pen kásiptegi kóptegen adamdardyń basyn biriktiredi. Sportta áleýmettik mártebege nemese geografıaǵa eshqandaı shekteýler joq. Shyntýaıtyna kelgende sport mańyzdy adamı qundylyqtarǵa ıe jáne de sport jalpy ulttyń fızıkalyq densaýlyǵyn nyǵaıtýǵa yqpal etedi. Jyldan jylǵa sport qaýymdastyqtary men seksıalarynyń sany artyp, sportpen únemi aınalysatyn azamattardyń sany artyp keledi. Árıne, bul jerde jattyqtyrýshylardyń, tóreshilerdiń jáne sport menedjerleriniń eńbegi zor. Munyń bári olardyń tańdaǵan mamandyǵyna degen yntasy men adaldyǵyna tikeleı baılanysty», - dedi Dáýren Abaev.
Saltanatty is-shara olımpıada rezerviniń oblystyq jáne respýblıkalyq mamandandyrylǵan mektep-ınternat-kolledjderiniń jumysy máseleleri jónindegi keńes sheńberinde ótti.