Mádenıet jáne sport mınıstrliginiń málimetinshe, 2023-2024 oqý jyly oqýǵa qabyldaýǵa 4288 ótinish tirkeldi.
Onyń ishinde 3468 – joǵary oqý oryndary, 312 – kolejder, 508 – mektepter. Al Mınıstrlikke baǵynysty oqý oryndarynda memlekettik bilim berý tapsyrysy boıynsha bólingen oryn sany - 2562, dep habarlaıdy Almaty-akshamy.kz.
Qazir mádenıet jáne sport mınıstrliginiń janynan 5 joǵary oqý orny, 9 kolej jáne 2 mamandandyrylǵan mýzykalyq mektep jumys isteıdi, onda barlyǵy 16 337 adam oqıdy. Sonymen qatar jergilikti atqarýshy organdardyń búdjetinen qarjylandyrylatyn 20 mýzykalyq kolej jáne 160 mýzykalyq mektep jumys isteıdi.
Mınıstrlik bıyl jóndelgen oqý oryndary týraly aqparat berdi:
- Almaty qalasynyń ákimdigi T. Júrgenov atyndaǵy QazUÓA-ǵa aýdany 1000 sh.m. quraıtyn úı-jaıdy oqý korpýsyn ashý úshin tapsyrdy. Osy jyly akademıa osy úı-jaıdy qaıta qurý boıynsha JSQ ázirleıdi. Sonymen qatar eskızdik joba ázirlendi. JOO stýdentteri úshin jańa jataqhana salý boıynsha BJT daıyndalyp jatyr
- "Kárken Ahmetov atyndaǵy olımpıada rezerviniń respýblıkalyq mamandandyrylǵan mektep-ınternat-kolledji" RMM de bıyl jóndeldi. Atap aıtqanda jataqhana, oıyn zaly, semserlesý zaly, kúres zaly jáne asqana jóndeldi.
- "Q.Muńaıtpasov atyndaǵy olımpıada rezerviniń respýblıkalyq mamandandyrylǵan mektep-ınternat-kolledji" RMM jataqhanasyna kosmetıkalyq jóndeý jasaldy. Al "Rıdder qalasyndaǵy olımpıada rezervi respýblıkalyq mektep-ınternat-kolledji" RMM-de qoıma úı-jaılaryna, sehtarǵa, shaǵyn jáne úlken zaldarǵa aǵymdaǵy jóndeý júrgizildi. Kosmetıkalyq jóndeý "Respýblıkalyq sport koleji" RMQK-da da júrgizildi.
"Barlyq jóndeý-qurylys jumysy sanıtarlyq-epıdemıologıalyq sharalardy saqtaı otyryp, málimdelgen merzimderge sáıkes aıaqtalady. Sonymen qatar,jyl saıyn mýzykalyq aspaptardy, sporttyq qural-saımandardy jáne basqa da qajet jabdyqtardy satyp alýǵa qarajat bólinedi. Kelesi jyly bul maqsatqa mádenıet jáne óner salasyndaǵy 4 kolejge 133 mln teńge bólinedi", - dedi Mádenıet jáne sport mınıstrligi apparatynyń basshysy Janat Ahmetov.