Syrtqy ekonomıkalyq qyzmetpen aınalysatyn qazaqstandyq kásipkerler úshin jaqsy jańalyq.
«Atameken» UKP quny tómen (200 eýroǵa deıin) taýarlardy resimdegeni úshin kedendik alymnyń nóldik mólsherlemesin belgileýge qol jetkizdi. Úkimettiń tıisti qaýlysy tamyzda qabyldandy, dep habarlaıdy Almaty-akshamy.kz QazAqparatqa silteme jasap.
Eske salsaq, jyl basynan beri kólik prokýratýrasynyń nusqamasy boıynsha syrtqy ekonomıkalyq qyzmetke qatysýshylar taýarǵa deklarasıa retinde ońaılatylǵan tártippen beriletin árbir tizbe men ótinish úshin, ıaǵnı, buryn eshqashan tólenbegen nárse úshin 20 myń teńgeden kedendik alym tóleýge májbúr boldy.
Osy jaıt kýrerlik kompanıalardyń quny tómen júgi boıynsha barlyq eksporttyq-ımporttyq operasıalaryn toqtatty jáne otandyq ınternet-dúkenderdiń jumysyna keri áser etti.
«Eger kedendik alymdy bir deklarasıa deńgeıinde emes, jeke jóneltpe qujat sany boıynsha tóleıtin bolsa, onda alym mólsheri ósedi. Mysaly, eger ekspress jetkizilimniń bir partıasynda 500 jóneltpe qujat bolsa, onda keden alymy 20 myń teńge ornyna 10 mln teńge bolady. Bul halyqaralyq standarttarǵa qaıshy. Sondyqtan máseleni sheshý úshin biz birden birneshe memlekettik organmen jınalys ótkizdik. Kezdesýde memlekettik organdardyń áreketi zańsyz ekenin dáleldep, Úkimet qaýlysyna ózgerister engizýdi usyndyq. Usynysymyzdyń eskerilgenine qýanyshtymyz. Endi kýrerlik kompanıalar men ınternet dúkender alańsyz jumys isteı alady», – dedi «Atameken» UKP kedendik ákimshiliktendirý departamentiniń dırektory Dına Mamasheva.
«DHL Express Qazaqstan» bas dırektory Evgenıı Bagdashkınnyń aıtýynsha, kýrerlik kompanıa sálemdemelerdi shetelden jetkizý, sonyń ishinde ınternet-dúkender sıaqty mańyzdy segmentte jumysyn jalǵastyryp jatqanyn habarlady.
«Kedendik talaptardyń ashyqtyǵy men boljamdylyǵy ekspress-bıznes úshin asa mańyzdy. Óıtkeni bul bıznes belgili bir ýaqyt ishinde tutynýshylarǵa taýarlardy jetkizýi kerek. Biz Ulttyq palatanyń kómegimen kedendik deklarasıalardyń ońaılatylǵan formalaryn resimdeýde alymdardy tóleý týraly talap túrindegi kedergini eńsere alǵanymyzǵa qýanyshtymyz», – dep atap ótti spıker.