QR Úkimetiniń «Ortalyq klınıkalyq aýrýhana» aksıonerlik qoǵamyn «QR PİB MO Ulttyq gospıtali» sharýashylyq júrgizý quqyǵyndaǵy respýblıkalyq memlekettik kásiporny dep ózgertý týraly qaýlysy shyqty.
Bul týraly Almaty-akshamy.kz QR Prezıdentiniń İs Basqarmasynyń baspasóz qyzmetine silteme jasap habarlaıdy.
Qaýlyda aıtylǵandaı, qaıta qurylǵan kásiporynnyń ýákiletti organy bolyp QR Prezıdenti İs basqarmasynyń Medısınalyq ortalyǵy aıqyndaldy. Onyń negizgi qyzmeti – densaýlyq saqtaý salasynda qyzmet kórsetý.
Qaýly qol qoıylǵan kúnnen bastap kúshine endi.
«Ortalyq klınıkalyq aýrýhana» AQ-yn qaıta qurý kásiporyndy odan ári damytý úshin zańnamalyq turǵyda qajet ekenin atap ótken jón. Budan Sovmın pasıentteri úshin eshqandaı ózgeris bolmaıdy, aýrýhana sol ǵımaratta, sol meken-jaıda qalady.
- Gospıtáldiń basty mindeti – pasıentterimizdiń densaýlyǵyn túzeýge sapaly qyzmet kórsetý. Qurylymdyq ózgeristerdiń medısınalyq prosesterge áseri bolmaıdy, bul tek uıymdastyrý máselelerine qatysty. Biz onyń bárin QR PİB Medısınalyq ortalyǵymen birlesip, jedel rettep jatyrmyz. Sovmın qashanda otandyq medısınanyń kóshbasshysy bolǵan, kez kelgen zańdy formada solaı bolyp qala beredi, – dedi kásiporyn basshysy Asqat Bralov.