Shekara asyp, shetel kórý ár adamnyń armany. Degenmen, bul árkimniń basyna buıyra bermeıtini anyq. Al josparlaǵan adam shetel aralap, erekshe áserge bólenetini anyq. Josparlaǵandardyń kóbi armanyn oryndaı almaı qalatyny jasyryn emes. Sol úshin adam balasy kitap oqý arqyly óz qıalyna jetýi bek múmkin. Endeshe saıahatqa jany qumar jandarǵa motıvasıa beretin bes kitapty oqyp shyqsańyz oljaǵa kenelerińiz anyq.
«Sısılıa: Tátti bal, ashshy lımondar» (Metú Fort)
Bul kitap Metú Fort atty er adamnyń Sısılıaǵa saıahaty týraly. Ol ıtalıalyq Vepsa modelindegi eski motorolermen araldy túgeldeı sharlap shyqqan. Bul saıahat týraly roman, úlken kúndelik, oı tolǵaý sıaqty. Kitap sizdi beı-jaı qaldyrmaıdy. Máselen, kitaptyń bir bólimi Italıanikine múlde uqsasmaıtyn Sısılıanyń asy týraly jazylǵan.
«Aq jolbarys» (Aravınd Adıga)
«Aq jolbarys» - úndistan qoǵamyndaǵy tulǵa aralyq qatynas pen áleýmettik problemalardy - tamyryn tereń jaıǵan jemqorlyq, dátúrge degen soqyr senim, kedeıshilik jáne taǵy sol sıaqtylardy sıpattaıtyn kitap. Ony oqý jeńil tımeıdi, týyndyny Úndistanǵa saıahat jasap, osy eldi túsingisi keletin adam qolyna alǵan jón.
«Tıbettegi jeti jyl» (Genrıh Harrer)
Aýstrıalyq saıahatshy ári álpınıs Genrıh Harrerdiń avtobıografıalyq tarıhnamasy. Ol Tıbette 1944 pen 1951 jylary, Ekinshi dúnıejúzilik soǵys pen osy aımaqqa Qytaıdyń basyp kirgenine deıin ómir súrgen. Kitap tıbet halqy, onyń birizdiligi men mádenıeti týraly. Sonymen qosa, bul eldiń qalaı Qytaı provınsıasyna aınalǵany sıpattalady. Keıin jaqsy dosqa aınalǵan Dalaı lama týraly da qyzyqty jazylǵan.
«Jolda» (Djek Kerýak)
Bul kitapty uzaq ýaqyt boıy baspalar qabyldamaǵan eken. Alaıda keıin ol amerıkalyq prozanyń klasıkasyna qosylyp, bıt-urpaq ádebıetiniń mańyzdy úlgisine aınaldy. Kitapta Djek Kerýak pen dosy Nıl Kessedıdiń Qurama Shtattar men Meksıka jerlerin saıahattaýy jaıly.
«Kasablankadaǵy jyl» (Tahır Shah)
Bul bultty kún raıy men Londonnyń tirshilik yrǵaǵynan mezi bolǵan anglıalyq týraly. Ol otbasyn alyp Soltústik Afrıkaǵa kóship ketedi. Kitapta ózge elge sińisip ketýdiń qıyndyǵy jaqsy baıandalǵan, jergilikti halyqtyń tilin bile turǵanymen sen bógdesiń, óıtkeni olardyń salt-dástúri men dástúri saǵan tolyq túsiniksiz. Bul kitapqa bir jaqty baǵa berilmegenin aıta keteıik. Biri ony bútindeı shablon dese, ózgeleri qatty tamsanǵan.