Almaty qalasy, Almaty jáne Jetisý oblystary boıynsha QAJ departamentine qarasty №12 jáne №14 mekemelerinde terorızm jáne zkstremızm úshin sottalǵandarǵa terorızm men ekstremızmge qarsy kúres týraly dáris ótkizildi, dep habarlaıdy aqshamnews.kz.
Dáristi İİM Sh.Qabylbaev atyndaǵy Qostanaı akademıasy Ekstremıstik ıdeologıaǵa qarsy is-qımyl boıynsha QAJ mamandaryn daıarlaý ortalyǵynyń bastyǵy Myrzabek Týıǵanov ótkizdi. Dáris barysynda spıker terorızm men ekstremızmniń dúnıejúzinde eń qaýipti jáne ótkir máseleleriniń birine aınalyp otyrǵanyna naqty mysaldar keltirdi. Sonymen qatar ol eldiń turaqtylyǵy men ulttyń qaýipsizdigine keri yqpal etetin radıkaldy ıdeologıanyń taralýyna qarsy kúresýdiń mańyzdylyǵy jaıly keńinen áńgimelep, din bostandyǵy destrýktıvti, totalıtarlyq sıpattaǵy aǵymdardyń taralýyna ákelip soqqanyna toqtaldy.
Dáris barysynda ulttyq salt-dástúrlerdiń qundylyǵy men Qazaqstan Respýblıkasynyń álemdik saıasattaǵy ustanyp otyrǵan oń baǵyttary da nazardan tys qalǵan joq. M.Týıǵanov óz sózin túıindeı kele, sottalǵandardy dástúrli emes dinı baǵyttardyń zıanyn tereń túsinýge, elimizde turaqtylyq pen beıbitshilikti saqtaýǵa at salysýǵa shaqyrdy.