Almaty qalasy Qylmystyq-atqarý júıesi departamentine qarasty №11 mekemedegi (balalar kolonıasy) jazasyn óteýshi jasóspirimder úshin jazǵy kanıkýldan soń mektep partasyna qaıta otyrý úlken qýanysh boldy , dep habarlaıdy Almaty-akshamy.kz .
Balalardy alǵashqy bolyp quttyqtaǵan sottalǵandar arasynda áleýmettik psıhologıalyq tárbıe jumysy bóliminiń mindetin atqarýshy ádilet kapıtany E.Sabıtov muǵalimder men oqýshylarǵa jańa oqý jylynda mol tabystar tiledi.
№11 mekemede 2022 jyly qyrkúıek aıynda barlyǵy 6 synyp jabdyqtaldy. Búginde atalǵan mekemede 44 jasóspirim jazalaryn ótep jatsa, onyń jeteýi orta mektepti bitirgender. Oqýshylarǵa barlyǵy 11 ustaz sabaq beredi. Muǵalimder quramy tájirıbeli ustazdardan quralǵan.
«Bıylǵy bilim kúni Memleket basshysynyń «Ádiletti memleket. Birtutas ult. Berekeli qoǵam» atty Joldaýyn jarıalaǵan kúnmen tuspa-tus keldi. Qazaqstan prezıdenti Q-J. Toqaev óz joldaýynda «Orta bilimniń sapasy – tabysty ult bolýdyń taǵy bir mańyzdy sharty. Árbir oqýshynyń bilim alyp, jan-jaqty damýy úshin qolaıly jaǵdaı jasalýǵa tıis» dep, óskeleń urpaqtyń bolashaǵyna taǵy da úlken mán berdi», — deıdi oqý-tárbıe isiniń meńgerýshisi Aızada Alıeva.