Óz kezeginde balalar da aıtýly kúnge arnaǵan ónerlerin ortaǵa saldy
Almaty qalasynyń QAJ departamentine qarasty LA-155/6 mekemesinde kámeletke tolmaǵan jazasyn óteýshi jasóspirimderdiń asyǵa kútetin is-sharalarynyń biri «Ashyq esik» kúni. Bul kúni olar kópten kórmegen ata-analarymen, jaqyn týystarymen qaýyshyp, qýanyshqa bólenedi. Jýyrda atalǵan balalar kolonıasynda «Alǵys aıtý kúni» qarsańynda «Ashyq esik» kúni ótkizilip, jasóspirimder shattyqqa bólendi, dep habarlaıdy Almaty-akshamy.kz.
Sonymen qatar «Ashyq esik» kúnine Almaty qalasynyń Bilim basqarmasyna qarasty «№6 Oqýshylar úıi IýNESKO klýbynyń» dırektory Zeınep Arısheva jáne ulttyq aspaptar men dombyra úıirmesiniń jetekshi ustazy Merhat Akbımov bastaǵan ónerpazdar qatysyp, mereke shyraıyn kirgizdi.
Óz kezeginde balalar da aıtýly kúnge arnaǵan ónerlerin ortaǵa salyp, biri dombyradan kúmbirlete kúı tókse, biri áýelete án saldy.
«Ashyq esik» kúnin quttyqtaý sózben ashqan mekeme bastyǵy ádilet podpolkovnıgi Mıras Tolýbaev kelýshilerdi kámeletke tolmaǵan jazaly balalardyń kolonıadaǵy jaǵdaıymen tanystyryp, mereıli merekeniń kóńildi ótýine at salysqan qonaqtarǵa alǵys bildirdi.
Mereke kezinde ártúrli qylmys jasap, jazasyn ótep júrgen jasóspirimder ata-analary men týǵandaryna shyn kóńilden Alǵys aıtyp, merekelik dastarhanda bas qosty.