Buǵan deıin kúdiktini qamaý merzimi eki aıǵa uzartylǵan bolatyn
Almaty qalalyq máslıhatynyń depýtaty Qaırat Qudaıbergendi qamaý merzimi taǵy bir aıǵa uzartyldy, dep habarlaıdy Almaty-akshamy.kz QazAqparatqa silteme jasap.
Bul týraly Almaty qalalyq sotynyń baspasóz qyzmeti málim etti.
«17 maýsym kúni Almaty qalalyq tergeý sotynyń qaýlysymen kúdiktini qamaýda ustaý merzimi 3 aıǵa deıin uzartyldy. Qamaý merzimi - 2022 jyldyń 21 shildesine deıin. Qaýly zańdy kúshine engen joq «,- dep habarlady Almaty sotynyń baspasóz qyzmeti.
Buǵan deıin kúdiktini qamaý merzimi eki aıǵa uzartylǵan bolatyn.
«Búgin Almaty qalalyq sotynyń qylmystyq ister jónindegi sot alqasy qamaýǵa alý sanksıasyn kúshinde qaldyrdy, advokattardyń jeke shaǵymdary qanaǵattandyrylmady. Buǵan deıin tergeý soty is-áreketti saralaý týraly sheshim qabyldanǵanǵa deıin 30 táýlikke qamaýǵa alý túrindegi bultartpaý sharasyn qoldanýǵa sanksıa bergen bolatyn», - dep habarlady qalalyq sottyń baspasóz qyzmeti.
Aıta keteıik, 24 sáýir kúni sot qaýlysymen tergeý organdarynyń ótinishi qanaǵattandyrylyp, Qaırat Qudaıbergenge qatysty áreketti saralaý týraly qaýly shyǵarylǵanǵa deıin ony 30 táýlik merzimge kúzetpen ustaý túrindegi bultartpaý sharasyna sanksıa berilgen bolatyn.
Eske salaıyq, Qaırat Qudaıbergenniń ustalǵany týraly aqparat 22 sáýirde paıda bolǵan edi.
Keıin QR Bas prokýratýrasy Almaty qalasy máslıhatynyń depýtaty Qaırat Qudaıbergen qańtar oqıǵasynyń isi boıynsha ustalǵanyn rastady.
Qaırat Qudaıbergen Dıkıı Armanmen birge adam jınaýdy uıymdastyrǵan.