Ol aǵymdaǵy jyly 1,1 trln teńgeden 2,8 trln teńgege deıin halyqqa kórsetiletin medısınalyq qyzmetterdiń kólemin aıtarlyqtaı arttyrýǵa múmkindik berdi.
MÁMS engizý nátıjesinde JİÓ-niń jalpy kólemindegi densaýlyq saqtaý shyǵystarynyń úlesi 2018 jylǵy 2,8%-dan 2022 jyly 3,7%-ǵa deıin ulǵaıdy, dep habarlaıdy Almaty-akshamy.kz.
QR Densaýlyq saqtaý mınıstrliginiń málimetinshe, MÁMS qarajatynyń esebinen elimizdiń bir turǵynynyń densaýlyǵyna arnalǵan shyǵystardy 56 myń teńgeden 122 myń teńgege deıin ulǵaıtýǵa múmkindik týdy.
Máselen, eger medısınalyq kómek bólinisinde qaraıtyn bolsaq, onda kúndizgi stasıonarlardy eki ese qarjylandyrýdyń arqasynda ótken jyly pasıentter memlekettik jáne jeke klınıkalarda 920 myńnan astam stasıonardy almastyratyn qyzmetti ala aldy.
Joǵary tehnologıalyq medısınalyq kómekti qarjylandyrýdyń ósýi qazaqstandyqtar úshin 2023 jyly kúrdeli qymbat operasıalardyń qoljetimdiligin 2,5 esege arttyrýǵa múmkindik berdi.
Medısınalyq saqtandyrý qarajatynyń esebinen pasıentterge júrek-qan tamyrlary, nevrologıalyq, onkologıalyq aýrýlar men jaraqattar kezinde medısınalyq ońaltý qoljetimdi boldy, ol buryn is júzinde kórsetilmeıtin.
MÁMS baǵdarlamasy boıynsha jumys isteıtin medısınalyq qyzmetti kórsetýshilerdiń sany eki ese ósti, qazir olardyń sany 2000-ǵa jýyq, olardyń jartysyna jýyǵy jeke uıymdar.
Jalpy JİÓ-niń jalpy kólemindegi densaýlyq saqtaý shyǵystarynyń úlesi 2019 jylǵy 2,8%-dan 2022 jyly 3,7%-ǵa deıin ósti. Memleket basshysy bul úlesti 2027 jylǵa qaraı JİÓ-niń 5%-na deıin ulǵaıtý maqsatyn qoıdy.
Halyqtyń medısınalyq qyzmetterge aqy tóleýge arnalǵan qalta shyǵystarynyń úlesi, kerisinshe, 2018 jylǵy 34%-dan 2022 jyly 31%-ǵa deıin tómendedi.