Sońǵy úsh jylda ákim Erbolat Dosaevtyń basshylyǵymen Almaty qalasy áleýmettik-ekonomıkalyq damýda turaqty oń dınamıkany kórsetti, dep habarlaıdy aqshamnews.kz
Byltyr Almaty ekonomıkasy 2021 jylmen salystyrǵanda 20,7%-ǵa ósti. Jan basyna shaqqandaǵy jalpy óńirlik ónim (JÓÓ) 56,6%-ǵa artyp, 2021 jylǵy 17 595 AQSH dollarynan 27 557 dollarǵa jetti.
Almaty Qazaqstannyń ınvestısıalyq ortalyǵy mártebesin saqtap keledi. 2022-2024 jyldary qala ekonomıkasyna negizgi kapıtalǵa shamamen 5,2 trln teńge ınvestısıa tartyldy, bul 2021 jylmen salystyrǵanda 52,4%-ǵa kóp. Bıylǵy qańtar-sáýir aıynda negizgi kapıtalǵa 541,3 mlrd teńge ınvestısıa tartylyp, ósim 35,6% boldy. Investısıa kólemi boıynsha megapolıs el boıynsha birinshi orynǵa shyqty.
Shaǵyn jáne orta bıznes qalanyń ekonomıkalyq damýynyń negizgi qozǵaýshy kúshi bolyp otyr. Shahar ekonomıkasyndaǵy SHOB úlesi 2021 jylǵy 47,5%-dan 2024 jyly 60,3%-ǵa deıin ósti.
SHOB sektory jumyspen qamtýdyń basty kózi retinde qala beredi, munda qala turǵyndarynyń 90%-y nemese 972,1 myń adam jumys isteıdi.
2025 jyly alǵash ret Almaty qalasynyń búdjety 2,4 trln teńgeden asty. Bul 2022 jyldyń basyndaǵy (1 trln teńge) kórsetkishpen salystyrǵanda 2,3 ese kóp. Damýǵa arnalǵan búdjet 622 mlrd teńgege deıin ulǵaıyp, 2022 jylǵy 213 mlrd teńgemen salystyrǵanda 2,9 ese artty.
Bıyl Almaty qalasy ekonomıkasynyń qarqyndy damýy saqtalyp otyr. 2025 jyldyń qańtar-sáýir qorytyndysy boıynsha qysqa merzimdi ekonomıkalyq ındıkator 9,1%-ǵa jetti.
Ekonomıkalyq ósimniń negizgi qozǵaýshy kúshteri – kólik salasy (+23,9%), qurylys (+21,3%) jáne óńdeý ónerkásibi (+17,6%).