Mundaı málimetti AQSH-tyń halyq sanaǵy búrosy jarıalaǵan.
2024 jyldyń 1 qańtaryndaǵy boljamdy álem halqynyń sany 8 019 876 189 adamdy quraıdy, bul 2023 jylmen salystyrǵanda 75 162 541 adamǵa (0,95 paıyzǵa) kóp, dep habarlaıdy Almaty-akshamy.kz.
Sanaq búrosynyń málimeti boıynsha, 2024 jyldyń basynda sekýnd saıyn 4,3 sábı dúnıege kelip, eki adam óledi.
AQSH halqynyń ósý qarqyny 0,53 paıyzdy qurady, bul álemdik ortasha kórsetkishtiń jartysynan sál artyq. AQSH 1,7 mıllıon adam qossa, jańa jylǵa qaraı halyq sany 335,8 mıllıonǵa jetedi. Eń baıaý ósý qarqyny 1930 jyldardaǵy Uly Depressıadan keıingi onjyldyqta boldy, ol 7,3 paıyzdy qurady.
Brýkıngs ınstıtýtynyń demografy Ýılám Freıdiń aıtýynsha, aǵymdaǵy qarqyndar 2020-shy jyldarǵa deıin saqtalatyn bolsa, bul AQSH tarıhyndaǵy eń baıaý ósý onjyldyǵy bolýy múmkin, ıaǵnı 4 paıyzdan az.
"Árıne, pandemıa kezeńinen shyqqan kezde ósim azdap artýy múmkin. Biraq 7,3 paıyzǵa jetýdiń ózi qıyn bolady", - dedi ol.
2024 jyldyń basyna qaraı Qurama Shtattarda árbir toǵyz sekýnd saıyn bir bala dúnıege keledi jáne árbir 9,5 sekýnd saıyn bir adam qaıtys bolady dep kútilýde. Biraq ımıgrasıa halyq sanyn azaıtpaıdy. Taza halyqaralyq kóshi-qon AQSH halqyn árbir 28,3 sekýnd saıyn bir adamǵa arttyrady dgen boljam bar.