Monıtorıń nátıjeleri belgili boldy
Onyń 89% jýyǵy ekpe almaǵan jáne sońǵy 6 aıda revaksınasıadan ótpegen, dep habarlaıdy Almaty-akshamy.kz QazAqparat-qa silteme jasap.
Bul jaıynda búgin Premer-Mınıstrdiń orynbasary Eraly Toǵjanovtyń tóraǵalyǵymen Qazaqstan Respýblıkasynyń aýmaǵynda koronavırýs ınfeksıasynyń taralýyna jol bermeý jónindegi vedomstvoaralyq komısıanyń otyrysynda belgili boldy. COVID-19 boıynsha halyqqa medısınalyq kómektiń kórsetilýine Nur-Sultan qalasyndaǵy BMSK uıymdaryna barý arqyly júrgizilgen monıtorıń nátıjeleri belgili boldy. Qalanyń 8 emhanasynda júrgizilgen monıtorıń emhanalardyń 12%-da (jeke medısınalyq uıymdar) súzgi-kabınet jumysynyń uıymdastyrylmaǵanyn, COVID-19 juqtyrǵan naýqastarǵa qashyqtan monıtorıń júrgizilmeıtinin, dezınfeksıa, maska rejımi, áleýmettik qashyqtyq saqtalmaıtynyn kórsetti. Vıse-premer Eraly Toǵjanov Nur-Sultan qalasy ákimdigine COVID-19 juqtyrǵan naýqastarmen jumys júrgizý algorıtmin saqtamaıtyn medısınalyq uıymdarǵa tıisti shara qabyldaýdy jáne osyndaı tekserýlerdi barlyq óńirde júrgizýdi tapsyrdy.