Almatylyq ǵalymdar bakterıadan plasık alýǵa bolatynyn oılap tapty.
Ǵalymdardyń noý-haý ónertabysy «psevdomonas» dep atalatyn mıkroaǵzanyń bıomaterıalynan yńǵaıly materıaldy sıntezdeýge múmkindik beredi. Zertteýshiler bul bakterıany kádimgi sıkorıı tamyrynan alyp, onyń qasıetterin segiz aı boıy zerttegen, dep habarlaıdy Almaty-akshamy.kz.
Aıta keteıik, alynǵan plasıkti kóptegen taýarlardyń syrtyna jaǵý arqyly qaptama retinde paıdalanýǵa bolady. Ǵylymı jańalyq jemisterdi, kókónisterdi, tipti dándi daqyldardy uzaq ýaqyt boıy saqtaýǵa múmkindik beredi. Sondaı-aq, bıoplastıktiń basty qasıeti tabıǵatta tez ydyraıtyndyǵy. Bıoplastık jasandy tamyr jasaý úshin de qolaıly.
«Bıoplastıkti tuqym qabyǵy retinde paıdalanýǵa bolady. Mundaı jabyndar tuqymnyń sapasyn jaqsartady, olardy tuqymnyń ónýine yqpal etetin ártúrli qorektik zattarmen baıytýǵa bolady. Sondaı-aq, bıoplastıkpen qaptalǵan tuqym syrtqy ortanyń áserinen qorǵalady», - dedi QazUÝ bıotehnologıa kafedrasynyń dosenti Lúdmıla Ignatova.
Ǵalymdardyń aıtýynsha, eger joba memleket tarapynan qoldaý tapsa, zertteýdi jetildirip, aldaǵy úsh jylda ǵylymı jańalyqty óndiriske engizýge bolady.