Osy jyldyń 10 aıynda un ónimderin tasymaldaý sońǵy 5 jyldaǵy jyldyq kórsetkishterden asyp, 2,9 mln tonnany qurady, bul ótken jyldyń osy kezeńimen salystyrǵanda 11% ósýdi bildiredi.
Dándi daqyldardy óńdeý jáne un jóneltý boıynsha kóshbasshy Qostanaı oblysy, ol jalpy tıeýdiń 50%-yn quraıdy, ekinshi orynda 17%-ben Aqmola oblysy, dep habarlaıdy aqshamnews.kz.
Sonymen qatar, qyrkúıek-qazan aılarynda jańa egistikten dándi daqyldardy óńdeýden 0,5 mln tonnadan astam ónim tasymaldandy.
«Qazaqstan temir joly» UK» AQ derekteri boıynsha un ónimderin tasymaldaýdyń negizgi baǵyttary Ortalyq Azıa elderi bolyp tabylady, qazaqstandyq unnyń ımporty boıynsha kóshbasshylar Aýǵanstan (788 myń tonna), Ózbekstan (454 myń tonna), Tájikstan (57 myń tonna), Túrkmenstan (28 myń tonna) jáne Qyrǵyzstan (23 myń tonna).
Qytaı naryǵy da oń dınamıkany kórsetip, osy jyldyń 10 aıynda 0,5 mln tonnadan astam ónim tasymaldanyp, ótken jylmen salystyrǵanda 48% ósti.
Jabyq vagondardyń parki un ónimderin tasymaldaýdy qamtamasyz etý úshin jetkilikti jáne 15 myń vagonnan asady.
«Qazaqstan temir joly» UK» AQ jáne aımaqtarda dándi daqyldar men un ónimderin tasymaldaý boıynsha máselelerdi sheshý jáne dándi daqyldar júkterin tasymaldaýdy baqylaýdy qamtamasyz etý úshin jumys toby jumys isteıdi.