Somalı eliniń astanasy Mogadısho qalasynda eki iri jarylys boldy. Oqys oqıǵa qala ortalyǵynda, memlekettik mekemelerdiń janynda boldy, dep habarlaıdy Almaty-akshamy.kz Inbusiness.kz-ke silteme jasap.
Qaza tapqandar bar. Ázirge olardyń naqty sany belgisiz, alaıda jergilikti bılik kóshedegi júrginshiler men qoǵamdyq kólik jolaýshylary oqys oqıǵa qurbany bolǵanyn habarlady. Birinshisinen biraz ýaqyt ótken soń, qutqarýshylar qaıǵyly oqıǵa ornyna kelgen kezde ekinshi jarylys estilgen. Boljam boıynsha, kólikterge jarylǵysh zat qoıylǵan.
Jarylys bolǵan kúni Somaly Úkimeti "Ash-SHabab" ekstremıstik tobynyń sodyrlaryna qarsy baǵyttalǵan aýqymdy operasıany talqylap jatqan kezde bolǵan. Bul terrorlyq aktini de "Ash-SHabab" ekstremıstik toby uıymdastyrdy degen kúdik bar.
Somalı astanasynda, dál osy qıylysta bes jyl buryn júk kóligi jarylyp, 500-den astam adamnyń ómirin qıǵan bolatyn. Ol kezde de terrorlyq shabýyldy "Ash-SHabab" toby uıymdastyrǵan bolatyn.