Úsh aptaǵa jýyq ákimsiz qalǵan Soltústik Qazaqstan oblysyna Ǵaýez Torsanuly Nurmuhambetov taǵaıyndaldy, dep habarlaıdy almaty-akshamy.kz.
Óńirdiń jańa basshysy Ǵaýez Nurmuhambetov týraly ne bilemiz?
Ǵaýez Nurmuhambetov 1968 jyly Qostanaı oblysy Qarasý aýdanynyń Maıskıı aýylynda dúnıege kelgen.
1992 jyly Selınograd aýyl sharýashylyǵy ınstıtýtyn «ǵalym agronom» mamandyǵy boıynsha, 2002 jyly Chelábi memlekettik ýnıversıtetin «zańger», 2008 jyly Qostanaı ınjenerlik-ekonomıkalyq ýnıversıtetin «ekonomıka bakalavry» mamandyǵy boıynsha támamdaǵan. Ekonomıka ǵylymdarynyń kandıdaty.
Ǵaýez Torsanuly óziniń eńbek jolyn 1985 jyly Qostanaı oblysy Komsomol aýdany «Magnaıskıı» sovhozynyń № 1 brıgadasynyń mehanızatory bolyp bastady.
1992-1994 jyldary Torǵaı oblysy Oktábrsıı aýdany Vıláms atyndaǵy sovhozdyń bas agronomy boldy.
1994-1996 jyldary Qostanaı oblysy Qostanaı aýdany "Moskovskıı" sovhozynyń bas agronomy.
1996-1997 jyldary Qostanaı oblysy Komsomolskıı aýdany «Boskolskoe» KK dırektory bolyp eńbek etti.
1997-2008 jyldary Qostanaı oblysy Taran jáne Qarabalyq aýdandarynyń ákimi boldy.
2008-2009 jyldary Qostanaı qalasynyń ákimi.
2009 jyldan 2011 jylǵa deıin Qostanaı qalasy "Sodrýjestvo" JSHS bas dırektorynyń orynbasary laýazymynda boldy.
2011-2012 jyldary Qostanaı oblysy Áýlıekól aýdanynyń ákimi.
2012 jyldan 2014 jylǵa deıin Qostanaı qalasynyń ákimi.
2014 jyldan 2015 jylǵa deıin QR Prezıdenti Ákimshiliginiń memlekettik baqylaý jáne uıymdastyrý-aýmaqtyq jumys bóliminiń memlekettik ınspektory.
2015 jyldan 2023 jylǵa deıin Qostanaı oblysy ákiminiń birinshi orynbasary boldy.
2023 jyldyń 25 qantarynan bastap QR Parlamenti Senatynyń Depýtaty bolyp saılandy. Ekonomıkalyq saıasat, ınovasıalyq damý jáne kásipkerlik komıtetiniń múshesi.