Almaty qalasynyń Túrksib aýdandyq sotynda óz qyzmettik mindetterin oryndaý kezinde bılik ókilderine til tıgizdi degen aıyppen Tóreǵalı Tóreálige qatysty qylmystyq is qaraldy.
«Sot osy jyldyń 14 maýsymynda Maılın kóshesinde «Lexus» markaly avtokólik toqtatylǵanyn anyqtady. Júrgizýshi A. polısıa qyzmetkerleriniń zańdy ári birneshe ret aıtqan talabyn oryndaýdan úzildi-kesildi bas tartyp, polısıa qyzmetkerlerine balaǵat sózder aıtyp, qarsylyq tanytqan. Osylaısha ol óz qyzmettik mindetterin oryndaý barysyndaǵy bılik ókilderin qorlady», – delingen sot málimetinde.
Aıyptalýshynyń kinási is boıynsha jınalǵan materıaldar arqyly dáleldendi: jábirlenýshiler men kýágerlerdiń jaýaptary, vıdeojazba jáne taǵy basqasy.
Prokýror T.Tóreálini kináli dep tanýdy jáne oǵan 80 saǵatqa deıingi merzimge qoǵamdyq jumystarǵa tartý túrinde jaza taǵaıyndaýdy surady. Jábirlenýshiler onyń zańǵa sáıkes jazalanýyn talap etti.
Al aıyptalýshy óz kinásin moıyndaǵan joq.
«Sot jaza taǵaıyndaý kezinde is boıynsha aıypty jeńildetetin (5 kishkentaı balasynyń bolýy) jáne aýyrlatatyn (esirtkige elitken kúıde bolýy) mán-jaılardy nazarǵa aldy. Sot qaýlysymen A. joǵaryda atalǵan quqyq buzýshylyq úshin kináli dep tanyldy jáne oǵan 40 saǵatqa deıin qoǵamdyq jumystarǵa tartý túrindegi jaza taǵaıyndaldy», – dep atap ótti qalalyq sottyń baspasóz qyzmetinen.
Sot qaýlysy zańdy kúshine engen joq.