Soltústik Makedonıada túngi klýbta bolǵan órtten 60 adamnyń qaza tabýyna baılanysty 7 kún qaraly dep jarıalandy.
Keıin anyqtalǵandaı, oıyn-saýyq mekemesiniń lısenzıasy jalǵan bolyp shyqqan. Bul týraly premer-mınıstr Hrıstıan Mıskoskı málimdedi.
150-den astam adamnyń denesin kúıik shalǵan. "Reıterdiń" habarlaýynsha, polısıa 20-ǵa jýyq kúdiktini qamaýǵa aldy. Arasynda túngi klýb menedjeri men sheneýnikter bar. Olarǵa zańsyz lısenzıa berý úshin para aldy degen aıyp taǵylyp otyr. Aldyn ala málimet boıynsha órtke mýzykalyq toptyń konserti kezinde atqan jarylǵysh zattar sebep bolǵan. Ǵımaratta órt sóndirý quraldary jetispegen.
Hrıstıan Mıskoskı, Soltústik Makedonıa premer-mınıstri:
- Biz lısenzıanyń Ekonomıka mınıstrliginiń mórin paıdalana otyryp, zańsyz jasalǵanyn anyqtadyq. Osyǵan baılanysty basqa da suraqtar týyndap otyr. Olardy tergeý komıteti anyqtaıdy. Qylmysqa qatysy bar barlyq adam kim ekenine qaramastan jaýapqa tartylady.