Bul qyzmet 7 jumys kúni ishinde kórsetiledi
Azamattarǵa arnalǵan úkimet" memlekettik korporasıasy áleýmettik salada proaktıvti qyzmetterdi belsendi túrde engizýdi jalǵastyryp keledi, dep habarlaıdy Almaty-akshamy.kz BAQ.KZ-ke silteme jasap.
Bul formattyń arqasynda klıentter HQKO-ǵa barmaı-aq, SMS arqyly birneshe járdemaqyny rásimdeı alady.
Bul 2021 jyldaǵy kórsetketkishpen salystyrǵanda eki ese kóp
Áleýmettik saladaǵy eń suranysqa ıe memlekettik qyzmetterdiń biri – bala týý jáne onyń kútimi boıynsha tólenetin járdemaqylardy resimdeý. Bala ómirge kelgennen keıin onyń anasyna járdemaqy boıynsha ótinish berý úshin SMS-habarlama keledi.
Bul habarlamaǵa oń jaýap berip, járdemaqy tólenetin banktiń shot nómirin kórsetý kerek. Ary qaraı bala týý jáne bir jasqa deıingi bala kútimi boıynsha járdemaqylar proaktıvti túrde resimdeletin bolady. Eske salaıyq, osy qyzmetti paıdalaný úshin mobıldi azamattar bazasynda tirkelý kerek.
Osylaısha, 2022 jyldyń keıingi bes aıynda bala týý jáne bala kútimi boıynsha 152 298 myń járdemaqy belsendi túrde resimdeldi, bul 2021 jyldaǵy kezeńmen salystyrǵanda 2,2 ese kóp (66 894 myń).
Aıta keteıik, bala týý boıynsha járdemaqy mólsheri balalar sanyna baılanysty. Birinshi, ekinshi jáne úshinshi balanyń týýyna baılanysty járdemaqy – 120 840 teńge (2022 jyly 38 AEK), odan keıingilerine – 200 340 teńge (63 AEK) bolady.
Jumys istemeıtin áıelder úshin bir jasqa deıingi bala kútimi boıynsha járdemaqy:
• Birinshi bala kútimi boıynsha – 18 317 teńge (5,76 AEK);
• Ekinshi bala kútimi boıynsha – 21 656 teńge (6,81 AEK);
• Úshinshi bala kútimi boıynsha – 24 963 teńge (7,85 AEK);
• Tórtinshi jáne odan da kóp bala kútimi boıynsha – 28 302 teńge (8,90 AEK).
Balanyń bir jasqa tolǵanǵa deıingi (bosanǵannan keıin) kútimi boıynsha aı saıynǵy áleýmettik tólem jumys isteıtin áıelderge ǵana taǵaıyndalady. Tólem mólsheri áleýmettik aýdarymdar júrgizilgen tabysqa da baılanysty bolady.
Tólemdi esepteý úshin keıingi 2 jyldaǵy ortasha aılyq tabysty 0,4-ke kóbeıtip, zeınetaqy jarnalarynyń 10 paıyzyn ustap qalý qajet. Ortasha aılyq tabys 24-ke bólingen keıingi 2 jyldaǵy barlyq aı saıynǵy kiristerdiń somasy retinde esepteledi.
Bul rette tabysynan aıyrylǵan jaǵdaıda balanyń bir jasqa tolǵanǵa deıingi kútimine baılanysty tólenetin áleýmettik tólemniń eń joǵary mólsheri eń tómengi jalaqynyń jeti eselengen mólsheriniń qyryq paıyzynan, al áleýmettik tólemniń eń tómen mólsheri – bala bir jasqa tolǵanǵa deıin onyń kútimine baılanysty tólenetin aı saıynǵy memlekettik járdemaqynyń mólsherinen kem bolmaýǵa tıis. Járdemaqy tómendegideı esepteledi:
1. Eger alýshynyń 2 jyl ishindegi tabysynyń ortasha aılyq mólsheri 120 000 teńge bolsa, onda tólem 48 000 teńge (120 000x 0,4) mólsherinde taǵaıyndalady. Osy somadan zeınetaqy jarnasynyń 10 paıyzy shegeriledi.
2. Eger tabys mólsheri 7 AEK-den (2022 jylǵa 420 000 teńge) asatyn bolsa, onda tólem eń joǵary 168 000 teńge (420 000x 0,4) deńgeıde taǵaıyndalady. Osy somadan zeınetaqy jarnasynyń 10% shegeriledi.
3. Eger tabys 40 000 teńgeni quraǵan jaǵdaıda, onda tólem 16 000 teńge (40 000x0,4) mólsherinde taǵaıyndalady. Osy somadan zeınetaqy jarnasynyń 10% shegeriledi. Osy rette járdemaqylar QR mindetti áleýmettik saqtandyrý týraly zańnamasyna sáıkes júzege asyrylatyn eske salamyz.