Kıberqaýipsizdikti jetildirý kerek!
Smartfondaǵy habarlamalar mańyzdy aqparat bolyp sanalady. Kıberqaýipsizdik salasyndaǵy sarapshylar habarlamalar mátinin kórsetýdi nege óshirý kerek ekendigi týraly aıtty, dep habarlaıdy Almaty-akshamy.kz.
«Ár túrli qupıa aqparatty smartfonnan habarlamalardan alýǵa bolady: banktegi shottaǵy qaldyq, iskerı korespondensıanyń bóligi, taza jeke habarlamalar jáne t.s.s. Bul aqparatty ózgeniń qaraýy yqtımal. Sonyń ishinde shabýyldaýshynyń oıy men oqıǵalardyń barysy ár túrli bolýy múmkin. Beıtanys adamnyń alynǵan málimettermen ne istegisi keletini de belgisiz.Munyń aldyn alý úshin mobıldi operasıalyq júıelerde habarlama mátinin jasyrý fýnksıasyn qoldanǵan abzal», - dedi Kasperskıı zerthanasynyń kıberqaýipsizdik jónindegi sarapshysy Vıktor Chebyshev.
Group-IB zıandy kodty zertteý zerthanasy basshysynyń orynbasary Roman Rezvýhınniń aıtýy boıynsha, ıtermeli habarlamada paıdalanýshy onlaın-bankten rastaý kodtaryn da, messendjerler men qosymshalardan da kodtar ala alady. Sondyqtan shabýyldaýshylar tipti qulyptalǵan telefondy da ashýy múmkin. Sóıtip, basqa qyzmetterge de qol jetkize alady.
«Qazir kóptegen bankter push-habarlamalarynda bir rettik kodty kórsetedi. Sondyqtan ony ekranda kórý qıyn emes. Demek, hakerler sizde úlken aqsha bar ekenin anyqtap, qorǵaýdy aınalyp ótip teorıalyq túrde bile alady. Biz sizge smartfondaǵy qosymshalardy ashyq-shashyq qaldyrmaýǵa keńes beremiz», - dep qorytyndy jasaıdy sarapshy.