Joǵary aýdıtorlyq palatanyń tóraǵasy Álıhan Smaıylov sýbsıdıalardy urlaý joldaryn ashyp kórsetti. Onyń aıtýynsha, eń iri zańbuzýshylyqtar boıynsha materıaldar tergeý organdaryna jiberiledi, dep habarlaıdy aqshamnews.kz
«Mysaly, ońtústik óńirlerde jáne Ulytaý oblysynda 1 myńǵa jýyq adam kásipkerlik úshin 1,5 mıllıard teńge sýbsıdıa alǵan. Alaıda olar salyq organdarynda kásipker retinde tirkelmegen. Bul degenimiz, sýbsıdıalar zańsyz alǵan tulǵalarǵa berilgen», — dep atap ótti Smaıylov.
Sondaı-aq, Túrkistan oblysynda aýyl sharýashylyǵy salasynda 15 sýbektiniń 225 mıllıon teńge kóleminde jalǵan ınvestısıaǵa sýbsıdıa alǵany belgili boldy. Bul jaǵdaıda jalǵan shot-faktýralar jasalǵan.
Abaı oblysynda 2 kásiporyn satyp alynbaǵan aýyl sharýashylyǵy tehnıkasyna 131 mıllıon teńge sýbsıdıa alǵan. Mundaı áreketter jalǵan aqparat berý arqyly jasalǵan.
Álıhan Smaıylov bul jaǵdaılar boıynsha jaýapty basshylardyń jaýapkershilikke tartylyp jatqanyn aıtty.