Su salasynyń mamandary «Bolashaq» baǵdarlamasy boıynsha AQSh pen Avstralıyada bílím alady.
Qazaqstandyq sushylarǵa shetelde oquǵa múmkíndík jasau úshín Su resurstary jáne ırrıgatsıya mınıstrlígí QR Ǵylym jáne joǵary bílím mınıstrlígímen kelísím jasady, dep habarlaıdy aqshamnews.kz.
Kelesí jyly mınıstrlíktíń ekí qyzmetkerí Amerıka Qūrama Shtattarynda oqu taǵylymdamasynan ótedí. Taǵy bír maman «Bolashaq» baǵdarlamasy boıynsha Avstralıyada, magıstraturada bílím alady.
Eske salsaq, Su resurstary jáne ırrıgatsıya mınıstrlígíníń bastamasy boıynsha bıyl «Bolashaq» baǵdarlamasyna «Gıdrogeologıya», «Su resurstary» sekíldí oqu baǵdarlamalary qosylǵan bolatyn. Osynyń nátıjesínde, qazaqstandyqtar atalǵan mamandyqtar boıynsha shetelde bílím alu múmkíndígíne ıe boldy.
«Su sharuashylyǵy salasy mamandarynyń bílíktílígín arttyru mınıstrlík jūmysynyń basym baǵyttarynyń bírí bolyp tabylady. Búgíngí tańda vedomstvo Qytaı, Nıderlandy, Frantsıya syndy memlekettermen jáne halyqaralyq ūıymdarmen tájírıbe almasu jáne bírlesíp maman daryalau jónínde kelísím jasady. Bıyl Nıderlandy sarapshylary Astana jáne Aqtóbe qalalarynda su tasqyny qaupín basqaru boıynsha 3 márte oqu semınaryn ótkízdí. Osynyń nátıjesínde su tasqynyna qarsy ís-qımyl máselelerímen aınalysatyn 50-den astam qazaqstandyq maman bílíktílík arttyrdy»,- dedí Su resurstary jáne ırrıgatsıya bírínshí vıtse-mınıstrí Bolat Beknıyaz.
Sonymen qatar, jazda «Qazsushar» mekemesíníń mamandary Japonıyanyń Sapporo qalasynda úsh aılyq oqu kursyna qatysty. Al, Qyzylorda oblysy boıynsha «Qazsushar» fılıaly dırektorynyń orynbasary Ońtústík Koreya memleketíne baryp, tájírıbe almasyp qaıtty.