Saılaý ýchaskeleri jeksenbi, 13 qarasha, jergilikti ýaqyt boıynsha saǵat 07.00-de ashylyp, saǵat 19.00-de jabylady. Birinshi týrda úmitkerlerdiń eshqaısysy 50 paıyzdan asatyn daýys jınaǵan joq.
Joǵarǵy laýazymǵa burynǵy SİM basshysy, ońshyl ortalyq Slovenıa demokratıa partıasynyń depýtaty Anje Logar jáne solshyl ortalyq kózqarasty ustanatyn beıpartıalyq kandıdat, advokat Natasha Pırs-Mýsar talasady.
23 qazandaǵy birinshi týrdyń qorytyndysy boıynsha búletenderdiń 99 paıyzyn óńdegennen keıin Slovenıanyń burynǵy Syrtqy ister mınıstri Logar shamamen 34 paıyz, Pırs-Mýsar 27 paıyz tóńireginde daýys jınady.
Úshinshi oryndy Eýroparlament depýtaty, «Áleýmettik demokrattar» partıasynyń jáne «Bostandyq» qozǵalysynyń kandıdaty Mılan Brglez ıelendi, ol 15,41 paıyz daýys jınady.
Qazirgi prezıdenttiń mandaty jeltoqsanda aıaqtalady.
Saılaýǵa jeti úmitker qatysty.
Jańa memleket basshysy 23 jeltoqsanda Slovenıanyń qazirgi prezıdenti Borýt Pahordyń bes jyldyq mandaty aıaqtalǵan kezde qyzmetine kirisýi kerek.
Aıta keteıik, Slovenıa - parlamenttik respýblıka, sondyqtan el prezıdentiniń fýnksıalary shekteýli.
Sýret: Inform.kz