Áleýmettik jelilerde Shyǵys Qazaqstan oblysynda jol ústinde kele jatqan aıýdyń beınejazbasy tarady, dep habarlaıdy Almaty-akshamy.kz Inbusiness.kz-ke silteme jasap.
Avtor vıdeonyń Katonqaraǵaı aýdanynda túsirilgenin jazdy. Jolda jaıbaraqat júrgen jyrtqysh aıý kólikti kórip toqtap, keri buryldy. Biraq kólikke shappaǵan.
Jeli qoldanýshylary aıýdyń osy ýaqytta qysqy uıqyda bolýy kerektigin jazyp jatyr. Onyń ash bolýy múmkin ekendigin, jaıaý júrginshige qaýip tóndiretinin de eskertip jatqandar bar.
Eske salsaq, osy jyldyń jazynda Shyǵys Qazaqstan oblysy Ulan aýdanynda aıý malǵa shapqan bolatyn.
Oqıǵa ornyna barǵan komısıa músheleri janýar terisiniń qaldyqtaryn, kemirilgen sıraqtaryn tapqan.