Platformaǵa 474 myńnan astam adam tirkelgen.
Skills Enbek-tegi keıbir aqyly kýrstar halyqtyń áleýmettik osal toptary úshin tegin bolady, dep habarlaıdy aqshamnews.kz
«Eńbek resýrstaryn damytý ortalyǵy» AQ málimetinshe, Skills Enbek platformasynda «Áleýmettik» qosymshasy qurylǵan. Onda halyqtyń áleýmettik osal toptaryna jatatyn qazaqstandyqtarǵa keıbir aqyly kýrstar boıynsha tegin negizde oqýǵa múmkindik beriledi.
Oqýdy bastaý úshin azamattarǵa «Áleýmettik» qosymshasyndaǵy kýrsty tańdaý kezinde ESQ arqyly olardyń mártebesiniń sáıkestigin rastaý qajet. Tekserýden sátti ótkennen keıin kýrs paıdalanýshynyń jeke kabınetinde qoljetimdi bolady.
Qazir jańa bólimde kıiz basý jáne tigý sıaqty qoldanbaly mamandyqtar, sondaı-aq ekologıalyq jáne áleýmettik bilim berý daǵdylary boıynsha sýrdoaýdarmasy bar birneshe kýrstar bar. Bul kýrstardy USAID qoldaýymen «Inklúzıvti qolóner» jobasy aıasynda «Qolqanat Foundation» qoǵamdyq qory ázirledi.
Skills Enbek platformasy – marketpleıs qaǵıdaty boıynsha kýrstarǵa qol jetkizýdi qamtamasyz etetin halyqaralyq oqytý alańdarynyń qazaqstandyq analogy. İske qosylǵaly beri platformada ártúrli baǵyttar boıynsha 600-den astam kýrs ornalastyryldy. Olardyń jartysy tegin. Platformaǵa qazirdiń ózinde 474 myńnan astam adam tirkelgen. Olardyń 390 myńnan astamy oqýdy sátti aıaqtady.