Medbıke sottalǵanymen, nesıeni qarttar áli tólep júr.
Jetisý oblysynda medbıke on shaqty naýqas zeınetkerdiń atynan nesıe alǵan, dep habarlaıdy aqshamnews.kz
Medbıke júrip-turýy qıyn qarıalardy aldap fotoǵa túsirip, árqaısysyna 500 myńnan bastap mıllıon teńgege deıin nesıe rásimdegen.
"Tegin dári alyp beremin, medısınalyq saqtandyrýǵa kerek" dep, qarıalardyń jeke derekteri men sýretterin alǵan.
Sotta 41 jastaǵy kelinshektiń alaıaqtyq jasaǵany dáleldenip, oǵan úsh jarym jylǵa bas bostandyǵyn shekteý jazasy taǵaıyndalǵan. Sondaı-aq zardap shekkenderdiń materıaldyq shyǵyn 7 mıllıon teńgeni óteý mindettelgen. Alaıda medısına mamany sottalǵanymen bereshekti áli ózderi tólep jatyr.