Bul týraly QR EGTRM Orman sharýashylyǵy jáne janýarlar dúnıesi komıteti uıymdastyrǵan baspasóz týry barysynda aıtyldy, dep habarlaıdy Almaty-akshamy.kz.
Jýrnalıserdi mıkroklondaý arqyly odan ári jappaı taratý úshin vırýssyz, genetıkalyq birtekti otyrǵyzý materıalyn alýmen aınalysatyn zerthananyń jumysymen tanystyrdy.
Bul - ósimdiktiń barlyq negizgi genetıkalyq erekshelikteri saqtalatyn jedeldetilgen vegetatıvti kóbeıý ádisteriniń biri. Ol dástúrli kóbeıý ádisterine qaraǵanda birqatar artyqshylyqtarǵa ıe. Birinshiden, alynǵan barlyq klondar - vırýstardan bosatylǵan bastapqy "ata-analyq" ósimdiktiń absolútti genetıkalyq kóshirmeleri. Ekinshiden, bir donor ósimdikten kóptegen urpaq alýǵa bolady. Qazirgi ýaqytta munda Sıvers almasynyń 2 myń dana kósheti ósirildi. Bastapqy materıal retinde "İle Alataýy" MUTP genetıkalyq rezervatynda jınalǵan Sıvers alma aǵashynyń tuqymdary paıdalanyldy. Budan basqa buta tuqymdas qaıyń men kókterektiń túrleriniń genderi ósiriledi, - dedi "Respýblıkalyq orman seleksıalyq tuqym ósirý ortalyǵy" RMQK Ońtústik-shyǵys aımaqtyq fılıalynyń dırektory Bolat Sátimbaev.
