Manchester ýnıversıtetiniń zertteýleri tósek-oryndarda jıi kezdesetin sporalardyń túrleri aýrý týdyrýy múmkin ekenin kórsetti dep habarlaıdy almaty-akshamy.kz golos.ua saıtyna silteme jasap.
Osyndaı sporalardyń biri – Aspergillus fumigatus. Bul zeń sporasy densaýlyqqa qatysty ártúrli problemalarǵa ákelýi múmkin. Zertteý leıkemıamen aýyratyn naýqastarda jáne jilik maıy transplantasıalaǵan pasıentterde ólimniń jetekshi ınfeksıalyq sebebi boldy dep habarlaıdy.
Zertteý toby tósek-oryn jabdyqtarda sporalardyń bar-joǵyn zerttep, qaýyrsyndy da, sıntetıkalyq jastyqtardy da muqıat qaraǵan. Olar qoldanylǵan jastyqtan zeńniń birneshe myń sporasyn anyqtady. Osylaısha, bir jastyq mıllıonnan astam sporany saqtaı alady.
Zertteýde jastyqtyń 16 túri bolǵan, alaıda sıntetıkalyq jastyq eń nashary bolyp tabyldy. Sondaı-aq bul alergıalyq sınýsıtke de ákelýi múmkin. Demikpege keletin bolsaq, zertteýshiler zeń eresekterde bul jaǵdaıdy nasharlatýy múmkin dep bólisti.
Jastyqtardan basqa, Aspergillus fumigatus aýada, jertólelerde, turmystyq qumyralarda, kompúterlerde jáne dámdeýishterde de kezdesedi. Zertteýshiler ımýnıteti tómen adamdar zeńniń bul túrin juqtyrý qaýpi joǵary degen qorytyndyǵa keldi.
Sondyqtan mamandar eger jastyǵyńyz sıntetıkalyq bolsa, ony gıpoallergendi jastyqqa aýystyrýǵa keńes beredi.