Aýa temperatýrasy klımattyq norma shamasynda bolady.
«Qazgıdromet» mamandary qarasha aıynda aýa raıy qandaı bolatynyn boljady, dep habarlaıdy Almaty-akshamy.kz.
«Qarasha aıynyń basynda sıklon Skandınavıadan Reseıdiń Eýropalyq aýmaǵy (REA) arqyly úlken jyldamdyqpen Qazaqstan aýmaǵyna aýysyp, aýa raıyna yqpal etedi. Respýblıkanyń ońtústiginde áli de jańbyr jaýady. Atmosferalyq aǵyndarmen baılanysty eń kúshti jaýyn-shashyn elimizdiń soltústik-batysynda, soltústiginde, ortalyǵynda jaýyp, kóktaıǵaq bolady jáne jel 15-28 m/s-ke deıin kúsheıedi», - delingen sınoptıkterdiń habarlamasynda.
Qarashanyń alǵashqy kúnderinde QR aýmaǵy boıynsha aýa temperatýrasy túnde -5+5°S, kúndiz +1+9°S, elimizdiń ońtústigi men ońtústik-shyǵysynda jyly bolady - kúndiz +10+18°S.
Birinshi onkúndiktiń ortasynan bastap belsendi sıklon shyǵys baǵytta jyljyp, Qazaqstan aýmaǵynan ketedi. Bul sıklonnyń izinen Qara teńiz aımaqtarynan antısıklon taralady. Jaýyn-shashyn batys óńirlerde toqtaıdy, onkúndiktiń sońynda respýblıkanyń qalǵan aýmaǵynda da jaýyn-shashyn toqtaıdy. Aýa temperatýrasy elimizdiń soltústik jartysynda túnde -3-13°S-qa deıin, kúndiz -5+2°S-qa deıin, ońtústik jartysynda túnde -5+2°S-qa deıin, kúndiz 0,+8°S-qa deıin birtindep tómendeıdi.
Aıdyń ekinshi jáne úshinshi onkúndiginde Qazaqstan aýmaǵyna Soltústik teńiz, Batys jáne Shyǵys Sibir aýdandarynan sýyq aýa massalary kelip, kún qubylmaly bolady. Termometr baǵany eldiń soltústik jartysynda túnde -17-25°S-qa deıin, kúndiz -5-12°S-qa deıin, ońtústik jartysynda túnde -10-17°S-qa deıin, kúndiz -3-10°S-qa deıin.
Alaıda, Qazaqstan aýmaǵyna Atlantıka men Iran aýmaǵynan aýa massalary kelip, kún jylynýy da múmkin.