Elimizdiń 17 oblysynda daýyldy eskertý jarıalandy.
14 shildede Astanada naızaǵaı oınap, kúndiz burshaq jaýýy múmkin. Ońtústik-batystan, batystan soǵatyn jeldiń ekpini kúndiz 15-20 m/s bolady. Órt qaýpi saqtalady, dep habarlaıdy Almaty -akshamy.kz Qazgıdrometke silteme jasap.
Almatyda qatty ystyq 36-38 gradýsqa deıin saqtalady, óte órt qaýpi bar.
Kúndiz Abaı oblysynyń batysynda naızaǵaı oınaýy múmkin. Soltústik-shyǵystan jel soǵady, kúndiz oblystyń batysynda, ońtústiginde ońtústik-shyǵysqa aýysady. Ekpini – 15-20 m/s.
Aqmola oblysynyń batysynda kúndiz qatty jańbyr jaýady. Oblystyń batysynda, soltústiginde, shyǵysynda naızaǵaı kútiledi, kúndiz burshaq jaýýy múmkin. Ońtústik-batystan soǵatyn jel túnde batysta, soltústikte, shyǵysta, kúndiz oblystyń basym bóliginde 15-20, oblystyń soltústiginde, shyǵysynda ekpini 25 m/s bolady. Oblystyń soltústiginde, ońtústiginde, shyǵysynda tótenshe órt qaýpi bar.
Aqtóbe oblysynyń soltústiginde, túnde batysynda, kúndiz soltústikte, shyǵysta naızaǵaı kútiledi. Batystan, soltústik-batystan soǵatyn jeldiń ekpini oblystyń shyǵysynda, ońtústiginde 15-20 m/s bolady. Oblystyń ońtústiginde, ońtústik-shyǵysynda tótenshe órt qaýpi saqtalady.
Kúndiz Atyraý oblysynyń soltústiginde, shyǵysynda jáne ońtústiginde shańdy daýyl soǵady. Kúndiz oblystyń soltústiginde, shyǵysynda, ońtústiginde ońtústik-batystan soǵatyn jeldiń ekpini –15-20 m/s. Joǵary órt qaýpi saqtalady, oblystyń shyǵysynda tótenshe órt qaýpi bar.
Kúndiz Shyǵys Qazaqstan oblysynyń soltústik-shyǵysynda naızaǵaı oınaýy múmkin. Soltústik-shyǵystan jel soǵady. Kúndiz ońtústik-shyǵysqa aýysady, oblystyń shyǵysynda ekpini 15-20 m/s bolady.
Jambyl oblysynyń taýly aımaqtarynda naızaǵaı kútiledi, oblystyń basym bóliginde 38-40 gradýsqa deıin qatty ystyq saqtalady.
14-16 shildede – tótenshe órt qaýpi bar. Soltústik-batystan soǵatyn jel soltústik-shyǵysqa aýysady. Ekpini – 15-20 m/s.
14 shildede Jetisý oblysynyń Alakól kóli aımaǵynda batystan jel soǵady, ekpini 15-20 m/s bolady. Kúndiz oblystyń basym bóliginde qatty ystyq bolady, 36-39 gradýsqa jetýi múmkin. 14-15 shildede tótenshe órt qaýpi bar.
Batys Qazaqstan oblysynyń batysynda, soltústiginde naızaǵaı oınaýy múmkin. Kúndiz batysta, oblystyń ońtústiginde jel soǵady, ekpini – 15-20 m/s. Órt qaýpi áli de joǵary.
Qaraǵandy oblysynyń soltústiginde, shyǵysynda naızaǵaı oınaýy múmkin. Ońtústik-shyǵystan soǵatyn jel oblystyń soltústiginde, shyǵysynda batysqa aýysady, ekpini – 15-20 m/s. Kúndiz oblystyń basym bóliginde 35-37 gradýsqa deıin qatty ystyq saqtalady. Órt qaýpi bar.
Qostanaı oblysynyń soltústiginde qatty jańbyr jaýady. Oblystyń batysynda, soltústiginde, shyǵysynda naızaǵaı oınap, burshaq jaýýy múmkin. Oblystyń soltústik jartysynda joǵary órt qaýpi saqtalady, ońtústiginde tótenshe órt qaýpi bar.
Kúndiz Qyzylorda oblysynyń ortalyǵynda shańdy daýyl soǵady. Jel batystan, túnde soltústikte soltústik-batystan soǵady. Ekpini – 15-20 m/s. 14-16 shildede tótenshe órt qaýpi bar.
Kúndiz Mańǵystaý oblysynyń soltústik-shyǵysynda shańdy daýyl soǵady. Jel batystan, soltústik-batystan soǵady. Ekpini – 15-20 m/s. Aýdannyń basym bóliginde tótenshe órt qaýpi saqtalady.
Pavlodar oblysynyń basym bóliginde, kúndiz batysta, oblystyń ońtústiginde burshaq jaýýy múmkin. Túnde batysta ońtústikten jel soǵady, ekpini –15-20 m/s. Batysta, oblystyń ońtústiginde kúndiz ekpini 23 m/s jetedi. Oblystyń basym bóliginde 35-37 gradýs ystyq saqtalady. Órt qaýpi bar.
Soltústik Qazaqstan oblysynyń basym bóliginde jańbyr jaýady. Oblystyń soltústiginde, batysynda, ońtústiginde naızaǵaı oınap, burqasyn, kúndiz burshaq jaýýy múmkin. Batys, ońtústik-batystan jel soǵady. Oblystyń ońtústigi men shyǵysynda tótenshe órt qaýpi saqtalady.
Kúndiz Ulytaý oblysynyń basym bóliginde, oblystyń ońtústiginde batystan soǵatyn jeldiń ekpini 15-20 m/s bolady. 35 gradýsqa deıin qatty ystyq saqtalady. Órt qaýpi bar.