Sıngapýrda robot-polıseı paıda boldy. «Haver» esimdi qultemir qala kósheleri men ǵımarattaryndaǵy tártiptiń saqtalýyn qadaǵalaıdy, dep habarlaıdy almaty-akshamy.kz
Inovasıalyq quraldy eldiń Ǵylym jáne tehnologıa agenttigi jasap shyǵarǵan. 4 dóńgelekpen qozǵalatyn robot-polıseıdiń 7 kózi, ıaǵnı kamerasy bar. Bılik ókilderiniń aıtýynsha, osyndaı 2 qultemir qyrkúıek aıynda jumysqa kirisken.
Saqshy-robottar «motosıkldi jolǵa qoımańyz», «jaıaý júrginshige jol berińiz» degen sıaqty eskertýlerdi daýystap aıtyp júredi. Sondaı-aq «Haver» ruqsat etilmegen orynda temeki shekpeý jáne araqashyqtyq saqtaý, kóp adam jınalmaý týraly koronavırýs talaptarynyń saqtalýyn da baqylaıdy.
Uıymdastyrýshylardyń málimdeýinshe, aldaǵy ýaqytta robot-polıseıdiń sany kóbeıýi múmkin.