Jaraqat alǵan jigit tek qyzyn oılap otyr
Syrtqy ister mınıstrliginiń resmı ókili Aıbek Smadıarov Ystanbulda atys kezinde jaraqat alǵan jerlesimizdiń jaǵdaıyna qatysty mán-jaıdy túsindirdi, dep habarlaıdy Almaty-akshamy.kz.
«Keshe biraz buqaralyq aqparat quraldarynda Ystanbul qalasynda qazaq jigitine oq tıdi degen aqparat tarady. Syrtqy ister mınıstrligi bul máselege qysqasha túsinikteme berdi. Alaıda, áleýmettik jelide jaraqat alǵan jigittiń jubaıynyń «Oqty deneden alý otasy aqyly qyzmet, sondyqtan biz bas tarttyq, óıtkeni aqsha basqa maqsatqa qajet» degen sózi talqyǵa túsip jatyr eken. Osy jerde bul januıanyń jaǵdaıyn túsindire keteıin. Jaraqat alǵan jigittiń aty Begaly, jasy 32-de, ózim baǵana tikeleı habarlasyp sóılestim. Biraz áńgime aıttyq, kóshede bolǵan atys týraly suradym, sonda ol uıalyp maǵan aıtqany mynaý boldy: «Meniń jaǵdaıym jaqsy, otany jasap dárigerler oqty denemnen aldy. Búgin-erteń aýrýhanadan shyǵamyn, bul jerde jata beretin ýaqytym joq, óıtkeni kishkentaı qyzymyzdy emdeýge alyp kelgenbiz». Ystanbulda jaraqat alǵan jerlesimizdiń tek qyzyn oılap otyrǵany baıqaldy, daýysy jáne kóńil-kúıi kóterińki eken, eki sóziniń biri - qyzym-qyzym deıdi. Aman-saý qalǵanyna qýanyp otyr, sondaı jarqyn jomart jigit eken», - dep jazdy Aıbek Smadıarov Facebook paraqshasynda.
Onyń aıtýynsha, Ystanbuldaǵy dıplomattarymyzdyń kómegimen ota tegin jasalyp, qoldan kelgen basqa da kómek kórsetilip jatyr.
«Endi Begaly baýyrymyzdyń Aıym atty kishkentaı búldirshini týraly aıta keteıin. Túrkıada qarasha aıynan beri rak aýrýyn emdep hımıoterapıa ótip jatyr, arnaıy ota jasaý qajet. Biraq ózderińiz bilesizder, rak aýrýyn emdeý úshin qomaqtaı qarajat talap etedi. Begaly qyzynyń emine kishigirim soma jınap qoıypty, sony ózine qımaı Aıymnyń otasyna jumsaımyn dedi. Qansha qarajat qajet dep suradym, qysylyp aıtpaı qoıdy. «Kómek túsip jatyr, jaqsy adamdar bar, ýaıymdamańyz, men aıaǵyma tursam bárin ózim sheshemin» dep er jigittiń sózin aıtyp otyr. Qyzyn sondaı qatty jaqsy kóretini sózinen de, kóńilinen de kórinip tur, oq tıip jaraqat alǵan adamǵa múldem uqsamaıdy. Ákeniń qyzyna degen mahabbaty qandaı keremet, ıá?», - deıdi ol.
Buǵan deıin Ystanbulda atys bolyp, Qazaqstan azamaty jaraqat alǵany habarlaǵan.