Almatyda Gorilla Drift Championship – 2023 drıft boıynsha Qazaqstan chempıonatynyń birinshi kezeńi aıaqtaldy, dep habarlaıdy almaty-akshamy.kz
Bıylǵy jyly birinshilikke qatysýshylarǵa Freedom Drive kompanıasynan mobıldi dóńgelek aýystyrý qyzmeti usynylǵanyn atap ótý qýantarlyq jaıt. Komersıalyq dırektor Sanjar Abdırahman habarlaǵandaı, úsh kún ishinde (eki jattyǵý kúni jáne týrnır kúni) mobıldi dóńgelek aýystyrý qyzmeti avtoshabandozdardyń 300 dóńgelegin aýystyrdy.
CTK Sokol avtodromyna jınalǵan kóptegen jankúıerin, ıaǵnı 4000-nan astam kórermenin qýantý úshin Astana, Almaty, Ekibastuz qalalarynan kelgen 24 úzdik pılot, sondaı-aq Ózbekstan, Qyrǵyzstan jáne Reseıden kelgen qonaqtar shyqty.
Biliktilik jarystarynyń qorytyndysy boıynsha Reseıden Teodor Chevychelov úzdik nátıje kórsetti, ol 90 upaı jınady.
Ótken jyldyń jeńimpazdary – Andreı Astapov («altyn»), Mıhaıl Pak («kúmis») jáne Anton Avdeev («qola») - bıylǵy jyly ózderiniń Nissan 350z jáne Anton Nissan Silvia s15 kólikterimen qatysty.
Sondaı-aq Freedom Drive kompanıasy Mobil1 Racing avtojarys komandasynyń resmı seriktesi boldy. Alekseı Dmıtrıev pen Vácheslav Papashvılı syndy pılottar týrnırdiń birneshe dúrkin júldegerleri atandy. 2023 jyly komanda Pro klasyna qatysýǵa muqıat daıyndaldy.
Mobil1 Racing óziniń tekseristen ótken m54 týrbo qozǵaltqyshy bar BMW E36 jáne shamamen 600 at kúshi bar dál osyndaı qozǵaltqyshy bar BMW E46c mashınalaryn jarysqa shyǵardy. Oǵan 1,5 bar qysymy bar Zestino jartylaı slık dóńgelekteri qosyldy. Mundaı dóńgelekter rezeńkeniń arnaıy quramyna baılanysty pılotqa qurǵaq jolda sporttyq mashınany jaqsy basqarýǵa múmkindik beredi. Reıserler baıqaǵandaı, drıft boıynsha týrnırde jańa dóńgelek tórt aınalymda múldem jaramsyz bolyp qalady eken. Al bir kezeńde komandanyń eki mashınasyna shamamen 15 jup dóńgelek qajet bolady.
Surapyl dodadan keıin Alekseı Dmıtrıev pen Mıhaıl Pak, Anton Avdeev jáne Sergeı Ovsánnıkov jartylaı fınalǵa shyqty.
Fınalǵa Pak pen Ovsánnıkov (Toyota GT86) shyqty. Mıhaıl Pak jeńiske jetti. Anton men Alekseı sáıkesinshe úshinshi jáne tórtinshi oryndardy jeńip aldy.
Esterińizge sala keteıik, chempıonattyń kelesi kezeńi 27-28 mamyrda STK Sokol avtodromynda ótedi. Úlken týrnırdiń sońǵy 5-shi kezeńi 2023 jyldyń 14-15 qazanynda ótedi.
